ITEMVIDEOS: బెంగళూరులో రోడ్డు మీద కత్తులతో మర్డర్

Posted: 02/24/2016 03:42 PM IST

బెంగళూరులో దారుణం చోటుచేసుకుంది. గంజాయి కోసం రెండు వర్గాల మధ్య జరిగిన దాడిలో ఓ వ్యక్తి మరణించాడు. ఓ వర్గానికి చెందిన యువకుడిని నడిరోడ్డు మీదకు లాక్కొచ్చి కత్తితో పొడిచేశారు. దాంతో తీవ్ర గాయాలపాలైన అతడు ఆస్పత్రిలో చికిత్స పొందుతూ మరణించాడు. కర్ణాటక రాజధాని బెంగళూరు నడిబొడ్డులో ఈ ఘటన జరిగింది. బెంగళూరులో జెజె నగర్ లో రెండు రౌడీ మూకలు భీకర వాతావరణాన్ని సృష్టిస్తున్నాయి. అంజద్, షకీల్ రౌడీ షీటర్లు జెజె నగర్ ను తమ అడ్డాగా మార్చుకున్నారు. తరుచూ ఈ రెండు గ్రూపుల మధ్య జరిగిన వార్ జరుగుతూ ఉంది. అయితే ఒక్కసారిగా ఆయుధాలతో దిగిన అంజద్ గ్రూప్ రౌడీలు షకీల్ గ్రూప్ కు చెందిన వ్యక్తిని దారుణంగా హతమార్చారు. కాగా అక్కడ ఓ ఇంట్లో ఉన్న సీసీటీవీ కెమెరాల్లో ఇదంతా కూడా రికార్డు కావడంతో మీడియాకు విషయం లీకైంది.