ప్రభుత్వ పథకాలను ప్రశంసించిన రాష్ట్రపతి

Posted: 02/23/2016 11:33 AM IST

రాష్ట్రపతి ప్రణబ్ ముఖర్జీ పార్లమెంట్‌కు చేరుకున్నారు. ఆయనకు పార్లమెంట్ వద్ద స్పీకర్ సుమిత్రా మహాజన్, ప్రధాని నరేంద్ర మోదీ, ఉపరాష్ట్రపతి హమీద్ అన్సారీతోపాలు పలువురు ఘనస్వాగంత పలికారు. పార్లమెంట్ బడ్జెట్ సమావేశాల సందర్భంగా ఆయన ఉభయ సభలనుద్దేశించి ప్రసంగించారు. కేంద్ర ప్రభుత్వంపై రాష్ట్రపతి ప్రణబ్ ముఖర్జీ ప్రశంసలు కురిపించారు. సమగ్ర అభివృద్ధి దేశాన్ని ముందుకు తీసుకెళ్లుతుందని ఆయన అన్నారు. బడ్జెట్ సమావేశాల సందర్భంగా ఇవాళ ఆయన ఉభయసభలను ఉద్దేశించి ప్రసంగించారు. సభకు హాజరైన సభ్యులందరికీ ప్రణబ్ స్వాగతం పలికారు.

సభా చర్చల ద్వారా లక్ష్యాన్ని చేరుకుంటారన్న ఆశాభావాన్ని ఆయన వ్యక్తం చేశారు. దేశ ప్రగతిలో ప్రతి ఒక్కరం భాగస్వామ్యులం కావాలన్నారు. ప్రభుత్వ పథకాలను ఆయన కీర్తించారు. ప్రతి ఒక్కరికీ ఇళ్లు, సబ్సిడీలు ప్రభుత్వం అందిస్తోందన్నారు. జన్ ధన్ యోజన పెద్ద ఎత్తున సక్సెస్ అయ్యిందన్నారు. సమాజంలో ఉన్న పేదల పట్ల ప్రభుత్వం దృష్టి సారించిందన్నారు. పేదల అభ్యున్నతికి, నిరుద్యోగులకు ఉద్యోగ కల్పన కోసం కేంద్ర ప్రభుత్వం కృషి చేస్తోందన్నారు. బలహీన వర్గాలకు కేంద్రం సుమారు రెండు కోట్ల ఇండ్లు కట్టిస్తోందన్నారు.