రేపు సాయంత్ర 5గం. తర్వాత ఫలితాలు

Posted: 02/04/2016 03:52 PM IST

పురానాపూల్ రీపోల్ కారణంగా రేపు మధ్యాహ్నం 3 గంటల నుంచి  జీహెచ్ఎంసీ ఎన్నికల ఓట్ల లెక్కింపు ప్రారంభమవుతుందని జీహెచ్ఎంసీ కమిషనర్ జనార్థన్ రెడ్డి  ప్రకటించారు.  పురానాపూల్ లోని 52వ డివిజన్ లో 36 పోలింగ్ బూత్ లలో రీపోలింగ్ జరుగుతుందని ఈసీ ప్రకటించింది. ఉదయం 7 గంటలనుంచి సాయంత్రం 5 గంటలవరకూ పోలింగ్ నిర్వహిస్తారు. 225 మంది పోలింగ్ సిబ్బందికి విధులు అప్పగించారు. కార్యాలయంలో మీడియాతో మాట్లాడారు. కౌంటింగ్‌కు ముందు మాక్ కౌంటింగ్‌ను చేపడతామన్నారు. కౌంటింగ్ సమయంలో మొదట ప్రింట్ మీడియాను మాత్రమే అనుమతిస్తామని తర్వాత ఎలక్ట్రానిక్ మీడియాను అనుమతిస్తామని తెలిపారు.

మధ్యాహ్నం 3 గంటలకు ఓట్ల లెక్కింపు ప్రారంభమవుతుందని, కౌంటింగ్ ప్రారంభమైన మొదటి అర్ధగంట పోస్టల్ బ్యాలెట్ ఓట్ల లెక్కింపు ఉంటుందని వెల్లడించారు. తొలి రౌండ్‌లోనే లెక్కింపు ఆలస్యం అవుతుందని, మిగతా రౌండ్‌లలో లెక్కింపు వేగంగా జరుగుతుందని వివరించారు. సాయంత్రం 5 గంటల తర్వాతే ఫలితాల వెల్లడి ఉంటుందని వివరించారు. కౌంటింగ్ ప్రారంభమైన నాలుగు గంటల్లో ఫలితాలు పూర్తిగా వెలువడుతాయని తెలిపారు.