రోగిని పిడిగుద్దులతో చంపిన డాక్టర్

Posted: 01/10/2016 05:07 PM IST

కొండ నాలుకకు మందేస్తే ఉన్న నాలుక ఊడినట్లైంది ఓ రష్యాలో ఓ రోగి పరిస్థితి. అనారోగ్యంతో బాధపడుతూ ఆస్పత్రికి వెళితే పాపం అక్కడ వైద్యం చేయాల్సిన డాక్టర్ పిడిగుద్దులతో కొట్టి చంపేశాడు. అయితే ఇక్కడ పేషెంట్ సైడ్ కూడా తప్పు ఉంది. తనను ట్రీట్ చెయ్యడానికి వచ్చిన ఓ నర్సతో ఆ పేషంట్ అసభ్యంగా ప్రవర్తించాడట. అంతే ఇంకేముంది ఆ నర్సు వెళ్లి డాక్టర్ గారి దగ్గర బోరున విలపించడంతో డాక్టర్ గారు కోపంతో ఊగిపోయారు. కోపంతో ఏమి చేస్తున్నాడో కూడా తెలియని పరిస్థితి డాక్టర్ ది.

రష్యాలోని బొల్ గోరోడ్ నగరంలోని ఓ ఆస్పత్రిలో జరిగింది. తన పంచ్ ల దెబ్బకు రోగి చనిపోయాడని తెలుసుకున్న డాక్టర్ అతనిని బత్రికించే ప్రయత్నం చేశాడు. అయినా ఫలితం లేకుండాపోయింది. పోలీసులు కేసు నమోదు చేసుకుని విచారణ ప్రారంభించారు. ఆస్పత్రిలో ఏర్పాటు చేసిన సీసీ కెమెరా ఈ ఘటన మొత్తాన్ని రికార్డ్ చేసింది. ఆ వీడియో దృశ్యాలు ఇప్పుడు సోషల్ మీడియాలో హల్ చల్ చేస్తున్నాయి. అయినా డాక్టర్ గారికి ఎంత కోపం వస్తే మాత్రం వైద్యం కోసం వచ్చిన పేషంట్ ను కొట్టి చంపేయడం ఏంటి అని అందరూ అనుకుంటున్నారు.