తెలుగు హీరోల మన మద్రాస్ కోసం

Posted: 12/04/2015 07:57 PM IST

మన తెలుగు హీరోలు చెన్నై నగరానికి బాసటగా నిలుస్తున్నారు. వరదలతో అతలాకుతలమవుతున్న చెన్నై నగరాన్ని ఆదుకునేందుకు తమ వంతు సహాయంగా తెలుగు సినీ స్టార్స్ ముందుకు వస్తున్నారు. తమ వంతుగా ఇప్పటికే చాలా మంది తెలుగు స్టార్స్ ఆర్థిక సహాయాన్ని ప్రకటించగా.. తాజగా చెన్నైకి అండగా మరికొన్ని నిధులను సేకరించేందుకు ముందుకు వచ్చారు. కేవలం సినీ తెర మీదే కాదు.. నిజ జీవితంలో కూడా తాము హీరోలమని.. తమ సినిమాలను ఆదరించిన చెన్నై నగరానికి తాము అండగా ఉంటామని అంటున్నారు. అందులో బాగంగా వారు సోషల్ మీడియా ద్వారా నిధులను అందించేందుకు పిలుపునిస్తున్నారు.

దగ్గుపాటి రాణా, నాని, నదదీప్, హీరోయిన్ రకుల్ ప్రీత్ సింగ్, సందీప్ కిషన్, తరుణ్ లాంటి హీరోలు ఎవరికి తోచినంత వారు చెన్నై నగరానికి సహాయం చెయ్యాలని పిలుపునిస్తున్నారు. అందులో బాగంగా మన మద్రాస్ కోసం అంటూ ప్రచారాన్ని ప్రారంభించారు. మద్రాస్ నగరానికి చేయూతనందించాలని పిలుపునివ్వడమే కాకుండా.. స్వయంగా కొంత మంది సిని హీరోలు విరాళాలను సేకరించాలని నిర్ణయించారు. హైదరాబాద్ లోని ఇనార్బిట్ మాల్, మంజీరా, కూకట్ పల్లి ఫోరం మాల్స్ లో ఆదివారం రోజు స్వయంగా మద్రాస్ కోసం విరాళాలు సేకరించాలని నిర్ణయించారు. దీని మీద ట్విట్టర్ లాంటి సోషల్ మీడియాలో కూడా బాగా ప్రచారం చేస్తున్నారు.

ఇప్పటి దాకా తెలుగు స్టార్ ఇచ్చిన విరాళాల వివరాలు ఇలా ఉన్నాయి..

రాఘవ లారెన్స్ - 1కోటి రూపాయలు
అల్లు అర్జున్ – 25 లక్షల రూపాయలు
ఎన్టీఆర్ – 10 లక్షల రూపాయలు
మహేష్ – 10 లక్షల రూపాయలు
రవితేజ – 5 లక్షల రూపాయలు
కళ్యాణ్ రామ్ - 5లక్షలు
వరుణ్ తేజ్ – 3 లక్షల రూపాయలు
సాయిధరమ్ తేజ్ – 3 లక్షల రూపాయల ఆహారం, వైద్య సదుపాయాలు
సంపూర్ణేష్ బాబు – 50 వేల రూపాయలు
సందీప్ కిషన్ – 5000 భోజనం ప్యాకెట్లు