ట్రీట్ మెంట్ కావాల్సిందే అంటున్న కిషన్ రెడ్డి

Posted: 10/28/2015 12:25 PM IST

తెలంగాణ బిజెపి అధ్యక్షుడు కిషన్ రెడ్డి తెలంగాణ ప్రభుత్వం మీద, కేసీఆర్ మీద తీవ్రంగా మండిపడ్డారు. వరంగల్ ఉప ఎన్నికల నగారా మోగిన నేపథ్యంలో అన్ని పార్టీలు ప్రభుత్వం మీద కత్తులు దూస్తున్నాయి. టిడిపి, బిజెపి పార్టీలు ఉమ్మడి అభ్యర్థిని నిలబెతున్న తరుణంలో వరంగల్ ఎన్నికల మీద అప్పుడే కిషన్ రెడ్డి ప్రభుత్వం మీద విమర్శనాస్త్రాలు సందిస్తున్నారు. నేటి నుండి మూడు రోజుల పాటు నామినేషన్లకు ఎన్నికల కమీషన్ గడువు విధించింది. ఎన్నికల్లో తెలంగాణ ప్రభుత్వానికి అందరూ గట్టిగా బుద్ది చెప్పాలని కిషన్ రెడ్డి పిలుపునిచ్చారు. తెలంగాణ ప్రభుత్వం కేవలం మాటలు మాత్రమే చెబుతోందని. కానీ ఆచరణలో మాత్రం ఏమీ చెయ్యడం లేదని విమర్శించారు.

వరంగల్ ఉప ఎన్నికల వేడి అప్పుడే మొదలైంది. నువ్వా నేనా అన్నట్లు రసవత్తరంగా సాగనున్న వరంగల్ పోరులో అన్ని పార్టీలు తమ అభ్యర్థుల గెలుపుకు అప్పుడే గ్రౌండ్ ప్రిపేర్ చేస్తున్నారు. అందులో భాగంగా తెలంగాణ బిజెపి అధ్యక్షుడు కిషన్ రెడ్డి కేసీఆర్ మీద విమర్శలు గుప్పించారు. తెలంగాణ ముఖ్యమంత్రి కేసీఆర్ ప్రభుత్వానికి ఈ ఎన్నికల్లో ఖచ్చతంగా ట్రీట్ మెంట్ ఇవ్వాలని కిషన్ రెడ్డి కోరారు. రైతుల ఆత్మహత్యలను అడ్డుకోవడంలో ప్రభుత్వం విఫలమైంది మండిపడ్డారు. అలాగే బంగారు తెలంగాణ సాధిస్తామని చెప్పిన కేసీఆర్ కేవలం తన కుటుంబాన్ని మాత్రమే బంగారం చేస్తున్నారని అన్నారు. అధికారంలో ఉన్న కేసీఆర్ తన హామీలను నిలబెట్టుకోలేదని కిషన్ రెడ్డి కేసీఆర్ మీద విమర్శలు గుప్పించారు.

*అభినవచారి*