ఇక్కడ మేటర్ లోకి వెళ్లడానికంటే ముందు రాజీవ్ శర్మ అంటే ఎవరో తెలుసుకోవాల్సి వుంది. ఈయన మరెవ్వరో కాదు.. తెలంగాణ ప్రభుత్వ కార్యదర్శిగా సీఎం కేసీఆర్ ఏరికోరి నియమించుకున్న వ్యక్తి. నిజానికి రాష్ట్ర విభజన నేపథ్యంలో ఈయనను ఏపీకి కేటాయించారు. కానీ.. తన ప్రభుత్వానికే ఆయన్ను నియమించుకోవాలన్న పట్టుదలతో కేసీఆర్ అటు కేంద్రంతో, ఇటు ఏపీ సీఎం చంద్రబాబుతో మంతనాలు జరిపి మరీ తనవద్దకు తెచ్చుకున్నారు. ఆ విధంగా తనవద్దకు తెచ్చుకున్న రాజీవ్ శర్మే ఇప్పుడు ఆయనకు కాస్త చుక్కలు చూపిస్తున్నాడని సమాచారం. ‘ఏ విషయంలో అనుకుంటున్నారా..?’ ఆ వివరాలు తెలియాలంటే మేటర్ లోకి వెళ్లాల్సిందే!
పూర్తి వివరాల్లోకి వెళ్తే.. తెలంగాణ ప్రభుత్వ కార్యదర్శి హోదాలో కొనసాగుతున్న రాజీవ్ శర్మకు ఓ విషయంలో సీఎం కేసీఆర్ కంటే ఎక్కువ అధికారం వుంటుంది. అంటే.. కేసీఆర్ ఏ విధమైన నిర్ణయాలు తీసుకున్నా.. దానిపై రాజీవ్ సంతకం చేస్తేనే అది అమల్లోకి వస్తుంది.. లేకపోతే రాదు. ఈ అధికారంతోనే ఆయన కేసీఆర్ సర్కారుకు తాజాగా షాకిచ్చారని సమాచారం. ఇటీవలే సీఎం కేసీఆర్ ఔట్ సోర్సింగ్ పద్ధతిన పనిచేస్తున్న ఉద్యోగుల వేతనాల పెంపునకు సంబంధించి నిర్ణయం తీసుకున్న విషయం తెలిసిందే! అయితే.. రాజీవ్ ఆ నిర్ణయంపై సంతకం చేస్తేనే అది అమల్లోకి వస్తుంది. కానీ.. ఇంతవరకు ఆయన ఆ విషయంపై సంతకం చేయకపోవడంపై వేతనాల పెంపు అమలు వ్యవహారం ప్రశ్నార్థకంగా మారింది. ‘అయినా.. ఔట్ సోర్సింగ్ ఉద్యోగుల వేతనాలను పెంచాల్సిన అవసరం ఏముంది’ అని ప్రభుత్వానికి రాజీవ్ గట్టిగానే ఎదురుతిరిగినట్లు సమాచారం. అంతేకాదు.. సదరు ఫైలును పునరాలోచించాలని చెబుతూ దానిని ఈయన తిప్పి పంపించారు.
ఔట్ సోర్సింగ్ కార్మికులకు సంబంధించిన వ్యవహారాలపై ఏజెన్సీలతో మాట్లాడుకుంటామని రాజీవ్ శర్మ వాదిస్తున్నారు. అలాగే వారి వేతనాల విషయం ఆయా ఏజెన్సీలే చూసుకోవాలని ఆయన పట్టుబడుతున్నారు. ఈ విషయంలో ప్రభుత్వం జోక్యం చేసుకోవాల్సిన అససరం కూడా లేదని రాజీవ్ తేల్చి చెప్పినట్లు సమాచారం. మరి.. రాజీవ్ తీసుకున్న ఈ నిర్ణయంపై కేసీఆర్ ఏ విధంగా స్పందిస్తారో..? అన్న విషయం ఆసక్తికరంగా మారింది. అటు.. తాను తీసుకున్న నిర్ణయంపై రాజీవ్ ఒప్పుకోకపోవడంపై కేసీఆర్ కాస్త నిరాశగానూ వున్నట్లు వార్తలొస్తున్నాయి.
AS
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more