విమాన ప్రయాణికులు ఎయిర్ కోస్తా మరో ఆఫర్

Posted: 07/10/2015 02:00 PM IST

విజయవాడ కేంద్రంగా కార్యకలాపాలు సాగిస్తున్న ఎయిర్‌కోస్టా.. మరో ఆకర్షణీయమైన ఆఫర్‌ను ప్రయాణికులకు అందుబాటులోకి తీసుకోచ్చిం ది. పది లక్షల మంది ప్రయాణికులకు సేవలు అందించిన సందర్భాన్ని పురస్కరించుకుని సంస్థ ఈ ఆఫర్‌ను ప్రకటించింది. ఇందులో భాగంగా ఎకానమి, ఎకానమీ ప్లస్‌ క్లాస్‌ టికెట్లపై 1,000 రూ పాయల డిస్కౌంట్‌ను అందిస్తోంది. ఈ నెల 10వ తేదీ నుంచి 14 వరకు బుక్‌ చేసుకునే టికెట్లకు ఈ ఆఫర్‌ వర్తిస్తుంది. ఈ ఆపర్ కింద టిక్కెట్లను బుక్ చేసుకున్న ప్రయాణికులు ఆగస్టు 1వ తేదీ నుంచి అక్టోబర్‌ 24వ తేదీ వరకు ప్రయాణించే సౌకర్యం కల్పించింది.

 పది లక్షల మంది ప్రయాణికులను వివిధ గమ్యస్థానాలకు చేర్చడం తమకు ఎంతో సంతోషాన్ని కలిగిస్తోందని ఎయిర్‌కోస్టా సిఇఒ కెఎన్‌ బాబు తెలిపారు. రానున్న కాలంలో మరిన్ని విజయాలు సాధించే దిశగా అడుగులు వేస్తున్నామని ఆయన ధీమా వ్యక్తం చేశారు. ఎయిర్‌ కోస్టా ప్రస్తుతం చెన్నై, బెంగళూరు, హైదరాబాద్‌, జైపూర్‌, అహ్మదాబాద్‌, తిరుపతి, కోయంబత్తూర్‌, విశాఖపట్నం, విజయవాడకు ప్రతి రోజు విమానాలు నడుపుతోంది. రానున్న రోజుల్లో మరిన్ని పట్టణాలకు కూడా తమ సేవలను విస్తరిస్తామని కెఎన్ బాబు తెలిపారు.

జి.మనోహర్