రూ. 900 కోట్ల లాటరీ జాక్ పాట్ కోట్టిన అదృష్టవంతుడెవరో..?

Posted: 06/16/2015 12:57 PM IST

Uk ticket buyer wins 93 million pounds lottery jackpot

సాధారణంగా ఎవరికైనా అదృష్టం కలసివస్తే.. నక్క తోక తోక్కాడని చమత్కరిస్తుంటారు పెద్దలు. అయితే ఇక్కడ ఓ అదృష్టవంతుడు ఏకంగా శతాధిక నక్కల తోక తోక్కివుంటాడనే చెప్పాలి. ఇక మరోలా చెప్పాలంటే.. భగవంతుడు మీకు ఇవ్వాలనుకుంటే.. చప్పర్ ఫడ్ కే అన్నట్లుగా ఇస్తారని కూడా అంటుంటారు కొందరు. అది కూడా నిజమే.. ఎందుకంటే.. ఈ అదృష్టవంతుడికి ఏకంగా 900 కోట్ల రూపాయలను అందిస్తున్నాడు పైవాడు. అదేంటని అంతలా ఆశ్చర్యపోకండి. మనం కోసం భగవంతుడు కిందకు దిగివచ్చి డబ్బును ఇస్తాడా..? కాదు కదా..? అయితే భూమ్మిదే ఏదో ఒక రూపంలో అంత డబ్బును అందుకునేలా అదృష్టాన్ని రాసి పెడతాడు. నిజమండి.. నమ్మలేకపోతున్నారా..?

ఇటీవల ఒక 80 ఏళ్ల వృద్దురాలికి కోట్ల రూపాయల లాటరీ తగిలింది. ఆ తరువాత ఓ వ్యవసాయదారుడికి కూడా మిలయన్ డాలర్ల లాటరీ తగిలింది. సరిగ్గా అలాంటిదే ఇప్పుడు మరో అదృష్టవంతుడికి ఏకంగా 900 కోట్ల రూపాయల లాటరీ తగిలింది. వివరాల్లోకి వెళ్తే..లండన్ లోని 9 కోట్ల 33 లక్షల 88 వేల 943 పౌండ్ల యూరో మిలియన్స్ లాటరీ కోట్టేశాడు ఓ అదృష్టవంతుడు. అయితే ఈ టిక్కెట్ కోన్న అధృష్టవంతుడు మాత్రం ఎవరో తెలియదని, అయితే అతను సదరు టిక్కెట్ ను తమకు అందజేసిన తరువాత అతని వివరాలను వెళ్లడిస్తామని లాటరీ నిర్వహకుడు కామెలాట్ తెలిపారు.

కాగా, లాటరీ టిక్కెట్ కోనుగోలు చేసిన వ్యక్తి తాన పేరును గోప్యంగా వుంచదలుచుకుంటే మాత్రం తాము అలానే చేస్తామని చెప్పారు. 2004 లో యూరో మిలియన్ ప్రారంభమైనప్పటి నుంచి 2011 లో అతిపెద్ద బహుమతిగా 161 మిలియన్ పౌండ్లను స్కాట్లాండ్ కు చెందిన జంట గెలుచుకున్నారని, ఆ తరువాత నిర్వహించిన అతిపెద్ద బహుమతుల్లో ఈ ఏడాది నిర్వహించిన బహుమతి వరుస క్రమంలో ఆరవదిగా నిలుస్తుందన్నారు. ఈ ఏడాది 93 మిలియన్ పౌండ్ల బహుమతిని గెలుచుకున్న వ్యక్తులు వస్తే తమకు బహుమతిని అందజేస్తామని కామెలాట్ చెప్పారు

జి.మనోహర్