భార్య చేతిలో ‘మృత్యువు’ను జయించిన భర్త

Posted: 05/16/2015 11:18 AM IST

వేధింపులు తాళలేక ఓ భార్య తన భర్తనే హతమార్చాలని శతవిధాల ప్రయత్నించింది. రోజూ తనతో గొడవపడటంతో తీవ్ర మనోవేదనకు గురైన ఆమె.. ఓపిక నశించి ఈ దారుణం చేసేందుకు ఒడిగట్టింది. ప్లాన్ ప్రకారమే అన్నీ సిద్ధం చేసింది కానీ.. భర్త ఆమె చేతిలో ‘చావు’ బయటపడ్డాడు. ఈ ఘటన తమిళనాడులోకి తిరుపూరులో చోటు చేసుకుంది.

తిరుపూరులో వంజియమ్మాళ్, కన్నన్ భార్యాభర్తలు నివసిస్తున్నారు. వీరిద్దరి మధ్య తరుచూ గొడవలయ్యేవి. ఈ క్రమంలోనే ఇటీవలే మరోసారి వీరిద్దరూ గొడవ పడ్డారు. దీంతో తీవ్ర ఆగ్రహానికి గురైన వంజియమ్మాళ్.. తన భర్తను చంపాలని ప్లాన్ చేసింది. పథకం ప్రకారమే ఆమె నిద్రపోతున్న భర్త కళ్లు, చేతులు కట్టేసింది. అనంతరం అతని ముఖానికి పాలిథీన్ కవర్ బిగించి.. ఊపిరాడకుండా చేసి హత్యచేయాలని ప్రయత్నించింది. అయితే.. ఊపిరి ఆడకపోవడంతో మేల్కొన్న భర్త కన్నన్.. జరుగుతున్న మొత్తం వ్యవహారాన్ని గ్రహించి అరవసాగాడు. అతని అరుపులకు పిల్లలు మేల్కొని వాళ్లు కూడా భయంతో అరవడం మొదలుపెట్టారు. దాంతో ఆమె తన భర్తను ఎలాగైనా అంతమొందించాలని భావించి.. కట్టెతో కొట్టింది. తర్వాత కొడవలితో కూడా దాడి చేసింది.

అయితే.. పిల్లలు గట్టిగా అరుపులు వేయడంతో ఇరుగుపొరుగువారు అక్కడికి చేరుకున్నారు. భర్త కన్నన్ ను చంపుతున్న వంజియమ్మాళ్ ను చుట్టుముట్టి అతడిని కాపాడి, ఆసుపత్రికి తరలించారు. అనంతరం ఆమెను వంజియమ్మాళ్ పోలీసులకు లొంగిపోయింది. భర్త పెట్ట చిత్రహింసలు భరించలేక తాను హత్య చేయాలని ప్రయత్నించానని ఆమె వెల్లడించింది.