మహారాష్ట్ర, గుజరాత్ ప్రజలకు మోదీ శుభాకాంక్షలు

Posted: 05/01/2015 12:27 PM IST

గుజరాత్, మహారాష్ట్రల ఆవిర్భావ దినోత్సవం సందదర్భంగా ప్రధాని నరేంద్రమోదీ ఆ రాష్ట్ర ప్రజలకు శుభాకాంక్షలు తెలిపారు. ఈ మేరకు తన ఫేస్ బుక్ అకౌంట్ లో రెండు రాష్ట్రాల ప్రజలకు శుభాకాంక్షలు తెలుపుతూ గ్రీటింగ్స్ పోస్ట్ చేశారు. మహారాష్ట్ర దైర్యం, సాహసం ఉన్న వాళ్లను దేశానికి అందించిందని పొగిడారు.  దేశాభివృద్ధిలో ఆ రెండు రాష్ట్రాల పాత్ర అద్వితీయమంటూ కొనియాడుతూ  పోస్ట్ చేశారు. ఈ రెండు రాష్ట్రాలు కూడా 1960 మే 1న ప్రత్యేక రాష్ట్రాలు ఏర్పడ్డాయి. ఈ విషయాన్ని గుర్తు చేస్తూ మోదీ మహారాష్ట్రపై అధికంగా ప్రశంసలు గుప్పించారు. దేశాభివృద్ధికి మహారాష్ట్ర సేవల చాలా గొప్పవని అన్నారు. ఆ నేల ఈ దేశానికి గొప్పగొప్ప తత్వవేత్తలను, మత పెద్దలను, ధైర్యవంతులను, సాహసికులను అందించిందని చెప్పారు. దేశంలో మహారాష్ట్ర ప్రజలకు అత్యధికంగా కష్టపడేతత్వం ఉంటుందని చెప్పారు. మహారాష్ట్ర మరింత గొప్పగా అభివృద్ధి పదాన దూసుకెళ్లాలని తాను మనసారా ఎల్లప్పుడూ కోరుకుంటానని చెప్పారు.