గజగజలాడిస్తున్న గజరాజులు.. భీతుల్లుతున్న పురవాసులు

Posted: 04/11/2015 02:53 PM IST

విజయనగరం జిల్లాలో గజరాజులు పుర ప్రజలను గజగజలాడిస్తున్నాయి. సమీపంలోని అటవీ ప్రాంతం నుంచి గ్రామాల్లోకి చోచ్చుకువస్తున్న గజరాజులు.. మూకుమ్మడిగా పంట పోలాలపై దాడులకు తెగబడుతూ.. పంటలను పూర్తగా ధ్వంసం చేస్తున్నాయి. గత నాలుగు రోజులుగా ఏనుగులు తమ పంటపోలాలను ధ్వంసం చేస్తున్నాయని.. బాధిత రైతన్నలు అవేదన వ్యక్తం చేశారు. తాజాగా జిల్లాలోని మక్కువ మండలం మూలవలసలో ఏనుగులు బీభత్సం సృష్టించాయి. అటవీ ప్రాంతం నుంచి వచ్చిన ఏనుగులు పంటలను ధ్వంసం చేశాయి. దీంతో రైతులు తీవ్రంగా నష్టపోయారు.

అడవులను మనుషులు చిద్రం చేస్తున్న క్రమంలో అభయారణ్యం నుంచి జనారణ్యంలోకి చోచ్చుకోస్తున్న గజరాజులు.. గ్రామ శివార్లతోని పంటపోలాలపైబడి బీభత్సం చేస్తున్నాయి. ఏనుగులు వల్ల గత మూడు రోజులుగా పంటను నష్టపోతున్నామని.. దీనిపై గత మూడు రోజులైనా అటవీశాఖాధికారులకు పిర్యాదు చేసినా.. పట్టించుకోక పోవటంతో రైతులు ఆగ్రహం వ్యక్తం చేశారు. ఏనుగుల బీభత్సం వల్ల నష్టపోయిన పంటలకు నష్టపరిహారం ఇప్పించి, ఏనుగుల బెడదను నివారించాలని రైతులు కోరుతున్నారు.

జి. మనోహర్