రెండు తెలుగురాష్ట్రాలలో ప్రశాంతంగా కౌంటింగ్

Posted: 03/25/2015 11:59 AM IST

రెండు తెలుగు రాష్ట్రాలు ఆంధ్రప్రదేశ్, తెలంగాణలోని ఎమ్మెల్సీ ఎన్నికల కౌటింగ్ ప్రశాంతంగా కోనసాగుతుంది. ఆంధ్రప్రదేశ్ లోని ఉభయ గోదావరి, కృష్ణా గుంటూరు ఉపాధ్యాయ నియోజకవర్గాల ఓట్ల లెక్కింపుతో పాటు ఇటు తెలంగాణాలోని హైదరాబాద్ రంగారెడ్డి, మహబూబ్ నగర్ సహా వరంగల్, ఖమ్మం, నల్గొండ పట్టభద్రుల ఎమ్మెల్సీ నియోజకవర్గ ఎన్నికల ఓట్ల లెక్కింపు అధికారులు ప్రారంభించారు. కాకినాడలోని రంగరాయ మెడికల్ కళాశాల, గుంటూరు సెయింట్ జోసెఫ్ మహిళా బీఈడీ కళాశాల్లో ఆంధ్రప్రదేశ్ ఉపాధ్యయ నియోజకవర్గాల ఓట్ల లెక్కింపు కోనసాగుతుంది.

కాగా తెలంగాణలోని హైదరాబాద్ రంగారెడ్డి మహబూబ్ నగర్ పట్టభద్రుల ఎమ్మెల్సీ నియోజకవర్గాల ఓట్లను హైదరాబాద్ చాదర్ ఘాట్ లోని విక్టరీ మైదానంలో లెక్కిస్తుండగా, వరంగల్, ఖమ్మం, నల్గోండ ఫట్టభద్రుల ఎమ్మెల్సీ ఓట్లను నల్గోండలోని ఎన్ జీ కళాశాలలో అధికారులు లెక్కిస్తున్నారు. ఓట్ల లెక్కింపు సందర్భంగా 144 సెక్షన్ అమలు చేసిన పోలీసలు గట్టి బందోబస్తును ఏర్పాటు చేశారు. మొత్తం నాలుగు రౌండ్ల ద్వారా అధికారులు కౌంటింగ్ చేపడుతున్నా.. మొదటి రౌండ్ ఫలితం రావడానికి చాలా సమయం పడుతుంది. పూర్తి స్థాయి ఫలితాలు ఇవాళ అర్ధరాత్రి వరకు వెలువడే అవకాశాలున్నాయి. అటు ఆంధ్రప్రదేశ్ లో మాత్రం ఉపాధ్యయ నియోజకవర్గాల ఫలితాలు త్వరగానే వెలువడే అవకాశాలున్నాయి.

జి మనోహర్