అష్టదిగ్భంధనంలో అసెంబ్లీ

Posted: 03/18/2015 11:51 AM IST

ఎమ్మార్పీఎస్‌, నిరుద్యోగ జేఏసీ చేపట్టిన చలో అసెంబ్లీ నేపథ్యంలో అసెంబ్లీ పరిసరాల్లో కర్ఫ్యూ వాతావరణం కనిపిస్తోంది. పోలీసులు అసెంబ్లీని అష్టదిగ్బంధనంలో ఉంచారు. రెండు కిలోమీటర్ల వరకు ఎవరూ ప్రవేశించకుండా ఆంక్షలు విధించారు. మధ్యాహ్నం 2 గంటల వరకు నిషేధాజ్ఞలు కొనసాగనున్నాయి. అసెంబ్లీ వైపు వెళ్లే దారులన్నింటినీ పోలీసులు మూసివేశారు. ఇక్బాల్‌మినార్‌ నుంచి వచ్చే వాహనాలను ఎన్టీఆర్‌మార్గ్‌ వైపుమళ్లిస్తున్నారు. ఇందిరాపార్క్‌, ఆర్టీసీ క్రాస్‌రోడ్స్‌, లిబర్టీ, బషీర్‌బాగ ప్రాంతాల్లో పోలీసులు భారీగా మోహరించారు. మరో వైపు ఏపీ అసెంబ్లీ ముట్టడికి ఎమ్మార్పీఎస్ రెండు దఫాలుగా ప్రయత్నిస్తోంది. పోలీసులు ఎమ్మార్పీఎస్ కార్యకర్తలను అరెస్ట్ చేసి పోలీస్‌ స్టేషన్లకు తరలిస్తున్నారు. మరో పక్క లక్ష ఉద్యోగాలకు వెంటనే ఉద్యోగ ప్రకటన చెయ్యాలంటూ నిరుద్యోగ జెఎసి ఓయు క్యాంపస్ నుండి ర్యాలీగా బయలుదేరారు. ర్యాలీగా బయలుదేరిన నిరుద్యోగులును అడ్డుకునేందుకు భారీగా పోలీసులు మోహరించడంతో ఉద్రక్తత నెలకొంది.

- అభినవచారి