శృంగారతారతో ‘క్రేజీ’ ఆఫర్ ను వదులుకున్నాడు...

Posted: 02/19/2015 07:04 PM IST

బాలీవుడ్ శృంగారతారగా పేరొందిన మల్లికా శరావత్ తో నటించే ఆఫర్ వస్తే ఎవరైనా వదులుకుంటారా..? ఛస్తేగానీ వదులుకోరు! కానీ ఆమ్ ఆద్మీ పార్టీ, ఢిల్లీ సీఎం కేజ్రీవాల్ మాత్రం ఆ సదావకాశాన్ని సున్నితంగా తిరస్కరించాడు. అయితే.. ఈ ఆఫర్ వచ్చింది ఇప్పుడు కాదులెండి.. ఆయన సీఎం కాకముందు!

ఆమధ్య ఆమ్ ఆద్మీ పార్టీని స్థాపించిన అరవింద్ కేజ్రీవాల్.. తొలిసారే ఢిల్లీ అసెంబ్లీ ఎన్నికల్లో గెలుపొంది ముఖ్యమంత్రిగా బాధ్యతలు స్వీకరించిన విషయం తెలిసిందే! ఓ సామాన్య వ్యక్తి ఈ విధంగా విజయం సాధించడంతో సాధారణ వ్యక్తులతోపాటు రాజకీయ, సినీ ప్రముఖులు ఆయనకు అభిమానులయ్యారు. ఈ నేపథ్యంలో మల్లికా షెరావత్ కూడా ఆయనపై ఫిదా అయిపోయింది. ఆ సమయంలోనే ఆమె నటించిన ‘డర్టీ పాలిటిక్స్’ చిత్రంలో కేజ్రీవాల్ కు జర్నలిస్ట్ గా నటించే ఓ పాత్ర లభించిందట! అయితే.. దాన్ని ఆయన సున్నితంగా తిరస్కరించారట!

అప్పుడే పార్టీని స్థాపించడం, తర్వాత సీఎం అవడంతో సమయాభావం వల్ల ఆ ఆఫర్ ని నిరాకరించినట్లు సమాచారం! దాంతో ఆ పాత్రలో నటుడు నసీరుద్దీన్ షాను తీసుకున్నారట! ఈ మొత్తం కథను తాజాగా ఆయన పార్టీ వర్గాలు బహిర్గతం చేశాయి. మొత్తానికి తనకొచ్చిన క్రేజీ ఆఫర్ ను కేజ్రీవాల్ వదులుకున్నాడన్నమాట!