మీ దృష్టిలో వీళ్లు మనుషులు కాదా...?

Posted: 01/17/2015 11:40 AM IST

26న జరిగే గణతంత్ర దినోత్సవ వేడుకలకు అమెరికా అధ్యక్షుడు ఒబామా ముఖ్య అతిధిగా వస్తున్న విషయం తెలిసిందే. ఒబామా పర్యటన నేపథ్యంలో ఢిల్లీ పోలీసులు చాలా హడావుడి చేస్తున్నారు. నరేంద్ర మోడి వచ్చినా చేయనన్ని ఏర్పట్లు ఆయన కోసం చేస్తున్నారు. పరాయిదేశ అధినేత పర్యటన కోసం ఢిల్లీ పోలీసులు కష్టపడుతున్న తీరు చూసి హైకోర్టు ఆశ్చర్యం వ్యక్తం చేసింది. ఒబామా వస్తున్నాడు అంటే నానా హంగామా చేస్తున్న పోలిసులు, నగర ప్రజల కోసం ఎందుకు ఇంతగా పని చేయరు అని ప్రశ్నించింది.

ఒబామా పర్యటన నేపథ్యంలో భద్రతను పర్యవేక్షించేందుకు ఢిల్లీ నగర వ్యాప్తంగా ఏకంగా 15వేల సీసీ కెమెరాలను ఏర్పాటు చేస్తున్నారు. ఈ అంశంపై స్పందించిన న్యాయస్థానం.., ‘ ప్రజల భద్రత కోసం సీసీ కెమరాలు ఏర్పాటు చేయాలని గతంలో మేము ఎన్నోసార్లు చెప్పినా పట్టించుకోలేదు, కానీ అమెరికా అధినేత వస్తున్నాడు అనగానే.., 15వేల సీసీ కెమెరాలు ఏర్పాటు చేస్తున్నారు.’ అని విమర్శించింది. ఇప్పుడు కూడా ప్రజల కోసం కాకుండా ఒబామా కోసం ఈ పని చేస్తున్నారు అని జస్టిస్ డర్రెజ్, జస్టిస్ సంజీవ్ లతో కూడిన ధర్మాసనం పేర్కొంది.

కార్తిక్