మృత్యువును జయించిన చిన్నారి

Posted: 01/14/2015 10:50 AM IST

Five year old girl fell into borewell in rangareddy district

రంగారెడ్డి జిల్లాలో ఓ బాలిక పొలం వద్ద ఆడుకుంటూ బోరుబావిలో పడింది. లోక్యా నాయక్ అనే రైతుకు చెందిన పొలంలో ఈ బాలిక పడిపోయింది. గండేడు మండలం గోవింద్పల్లి తండాకు చెందిన ఐదేళ్ల వయసున్న చిన్నారి ఆడుకుంటూ బోరుబావిలో పడిపోయింది. దాంతో ఆమె బంధువులు తీవ్ర ఆందోళనకు గురయ్యారు. స్థానికులు పోలీసులకు, రెవెన్యూ సిబ్బందికి సమాచారం అందించడంతో హుటాహుటిన రంగంలోకి దిగిన అధికారులు బాలికను రక్షించే చర్యలను చేపట్టారు.

రంగారెడ్డి జిల్లా గండేడు మండలం గోవిందపల్లి తండాలో బోరు బావిలో పడిన ఆరేళ్ల అంజలి మృత్యుంజయురాలిగా క్షేమంగా బయట పడింది. దాదాపు ఎనిమిది అడుగుల లోతులో పడిపోగా రెవెన్యూ పోలీసు, అగ్నిమాపక సిబ్బంది రంగంలోకి దిగి పాపను సురక్షితంగా బయటకు తీశారు. అనంతరం ఆరోగ్య పరీక్షల నిమిత్తం మహబూబ్‌నగర్ జిల్లా ఆసుపత్రికి తరలించారు. పాప తండ్రి దుబాయ్‌లో ఉండగా, తల్లి పూణెకు వలస వెళ్లారు. తల్లిదండ్రులు వలస వెళ్లడంతో అంజలి బంధువుల ఇంట్లో ఉంటోంది. మృత్యు ఒడిలోంచి బయట పడ్డ పాపను చూసేందుకు పరిసరగ్రామ ప్రజలు తండోపతండాలుగా అక్కడకు చేరుకున్నారు. పాప ప్రాణాలతో బయటపడడంతో అధికారులు వూపిరి పీల్చుకున్నారు.

పరిధిలోని గోవింద్‌పల్లి తాండాలో అదే గ్రామానికి చెందిన అంజలి అనే ఐదేళ్ల చిన్నారి ప్రమాదవశాత్తు బోరుబావిలో పడిపోయింది. దాంతో ఆమె బంధువులు తీవ్ర ఆందోళనకు గురయ్యారు. స్థానికులు పోలీసులకు, రెవెన్యూ సిబ్బందికి సమాచారం అందించడంతో హుటాహుటిన రంగంలోకి దిగిన అధికారులు బాలికను రక్షించే చర్యలను చేపట్టారు. ఘటనాస్థలానికి పోలీసులు, అగ్నిమాపక సిబ్బంది చేరుకున్నారు. అప్పటికే 108 అంబులెన్సులను కూడా రప్పించారు.

బోరుబావిలో చిన్నారి పడిపోయిన సంఘటన తెలంగాణ రవాణ శాఖా మంత్రి దృష్టికి వెళ్లింది. మంత్రి మహేందర్‌రెడ్డి వెంటనే రంగారెడ్డి జిల్లా కలెక్టర్, అధికారులతో మాట్లాడారు. చిన్నారిని వెలికితీసేందుకు సత్వరం చర్యలు తీసుకోవాలని ఆదేశించారు. మంత్రి ఆదేశాలతో బోరు బావిలోకి ప్రాణవాయువును పంపించారు. సిబ్బంది బోరుబావికి సమాంతరంగా తవ్వకాలు చేపట్టారు. ఎట్టకేలకు సుమారు ఐదు గంటల తరువాత బాలికను క్షేమంగా బయటకు తీసి ఆస్పత్రికి తరలించారు.

జి.మనోహర్