కూలిన విమాన బ్లాక్ బాక్స్ నుంచి సందేశాలు

Posted: 01/09/2015 11:42 AM IST

గతేడాది డిసెంబర్ 28న సముద్రంలో కూలిపోయిన ఎయిర్ ఏషియా విమాన ప్రమాదంలో గాలింపు చర్యలు కొనసాగుతున్నాయి. విమాన శకలాలతో పాటు, బ్లాక్ బాక్స్ కోసం ప్రత్యేక బృందాలు గాలింపు చేపడుతున్నాయి. ఇందుకోసం రంగంలోకి దిగిన బృందాలకు బ్లాక్ బాక్స్ నుంచి సందేశాలు అందినట్లు అధికారులు చెప్తున్నారు. బ్లాక్ బాక్స్ ఖచ్చితంగా కుప్పకూలిన ఎయిర్ ఏషియా విమానందే అని ఈ విషయాన్ని సముద్ర ఉపరితలంపై గాలిస్తున్న ప్రత్యేక బృందాలు ధృవీకరించాల్సి ఉంది.

బుధవారం తోక భాగం లభ్యం కావటంతో అప్పుడే బ్లాక్ బాక్స్ కూడా దొరుకుతుందని ఆశించారు. కానీ తొక భాగం నుంచి బ్లాక్ బాక్స్ వేరు కావటంతో దీని కోసం గాలిస్తున్నారు. తోక నుంచి వేరయినా.., అది లభ్యమైన ప్రాంతంలోనే బాక్స్ ఉన్నట్లు సంకేతాలు వస్తుండటంతో గాలింపు చర్యలు వేగవంతం చేశారు. మరోవైపు ముందుగా తమ వారికి సంబంధించిన ఆనవాళ్ళు వెతికి పెట్టాలని మృతుల సంబంధీకులు డిమాండ్ చేస్తున్నారు. ఇప్పటివరకు కేవలం 46 మృతదేహాలు లభ్యం కాగా., ఇంకా రెండు వందలకు పైగా దొరకాల్సి ఉంది.