ITEMVIDEOS: తెలుగు ప్రేక్షకులలో చెరగని ముద్ర వేసి..

Posted: 01/04/2015 08:57 PM IST

సినిమా పేరునే ఇంటి పేరుగా మార్చుకున్న అతి తక్కువ మంది నటుల్లో ఆహుతి ప్రసాద్ ఒకరని నటుడు శ్రీకాంత్ అన్నారు. ఆదివారం కన్నుమూసిన ఆహుతి ప్రసాద్ ఇంటికి చేరుకుని ఆయన ప్రసాద్ బౌతికకాయానికి ఘన నివాళులు అర్పించారు. అనంతరం శ్రీకాంత్ మీడియాతో మాట్లాడుతూ.. చిన్న చిన్న క్యారెక్టర్లు వేసి చాలా ఉన్నత స్థానాన్ని అధిరోహించిన ఆహుతి ఇక లేకపోడం చాలా బాధాకరమన్నారు. తాను నటించిన 122 సినిమాలతో ప్రసాద్ తెలుగు ప్రేక్షకుల మనస్సుల్లో చెరగని ముద్ర వేసుకున్నారని తెలిపారు.

కర్ణాటక ఇండస్ట్రీలో చాలా సినిమాలు చేసిన ఆయన తూర్పు గోదావరి జిల్లా శైలిని బాగా అనుకరించడం సాధారణ విషయం కాదని శ్రీకాంత్ తెలిపారు. ప్రస్తుతం ఆయన బిజీ షెడ్యూల్ తో ఉన్నారని.. ఈ సమయంలో సినిమా ఇండస్ట్రీని వదిలి అనంత లోకాలకు వెళ్లిపోయారన్న విషయాన్ని జీర్ణించుకోలేకపోతున్నామని శ్రీకాంత్ ఆవేదన వ్యక్తం చేశారు.

జి. మనోహర్