అండర్ వరల్డ్ డాన్ దావూద్ దొరికేసాడు...!!

Posted: 12/27/2014 10:14 AM IST

ఎప్పటినుండో మన దేశానికి కొరకరాని కొయ్య గా మారి ప్రత్యక్షంగా, పరోక్షంగా ఇబ్బంది చేస్తున్న దావూద్ ఇబ్రహీం ఆచూకి దొరికినట్లు చెప్తున్నాయి కొన్ని వర్గాలు. ఇప్పటికే భారత్ లో కొన్ని విధ్వంసాలకు దావుదే కారణం అని తెలిసినప్పటికీ అతన్ని వెతికిపట్టు కోవటం మన దేశానికి తీవ్ర సంకటంగా మారింది.
ముంబై పేలుళ్లకు సంబంధించి దావూద్ హస్తం ఉన్నట్లు తెలిసిన కాని మన భారత్ అతన్ని పట్టుకునేందుకు ప్రయత్నించినా పాకిస్తాన్ సహాయం తో ఇప్పటికి పలు దేశాలకు దొరకకుండా తప్పించుకొని తిరుగుతున్నాడు.

ఇప్పటికే పలు దేశాల మోస్ట్ వాంటెడ్ జాబితాలో ఉన్న అండర్ వరల్డ్ డాన్ దావూద్ ఇబ్రహీం ఆచూకీ కనుగొన్నట్లే అని కొన్ని అంశాలను చూస్తే తెలుస్తుంది. పాకిస్థాన్లోని కరాచీ నగర శివారు ప్రాంతం క్లిఫ్టన్ నుంచి దావూద్ ఫోన్లో మాట్లాడినప్పటి సంభాషణలను ఓ పాశ్చాత్య నిఘా సంస్థ రికార్డు చేసింది. ఆస్తి ఒప్పందానికి సంబంధించి దుబాయ్లో ఉంటున్న ఓ వ్యక్తితో దావూద్ మాట్లాడిన సమయంలో సంభాషణల్ని రికార్డు చేశారు. రెండు దశాబ్దాల క్రితం దావూద్ పాకిస్థాన్ పారిపోయిన తర్వాత భారత నిఘా సంస్థలు అతని ఆచూకీ కనుగొనేందుకు ప్రయత్నిస్తున్న సంగతి తెలిసిందే.

దీన్ని బట్టి ఇప్పటికి దావూద్ పాకిస్తాన్ లోనే తల దాచుకుంటున్నాడని నిఘా సంస్థలకు స్పష్టం అయ్యింది. ఈ ఏడాది మొదట్లో భారత్కు దావూద్ను అంతం చేసే అవకాశం వచ్చినట్టు ఇటీవల కొన్ని వార్తలు వచ్చాయి. భారత్ కమెండోలు దావూద్ ను టార్గెట్ చేసినపుడు, కొన్ని క్షణాలు ముందు భారత్కు చెందిన ఓ వ్యక్తి ఫోన్ చేసి కాల్చొద్దని ఆదేశాలు జారీ చేసినట్టు కథనాలు వెలువడ్డాయి. ఏది ఏమైనప్పటికీ భారత్ దావూద్ ఆచూకి తెలిసినా కొన్ని సార్లుఅతన్ని ఏమి చేయలేకపోతుందని దీనికి అంతర్జాతీయ ఒత్తిల్లే కారణమని కొన్ని వర్గాలు చర్చించుకుంటున్నాయి. కాని ఇప్పటికే చాల దేశాలు అతన్ని మోస్ట్ వాంటెడ్ జాబితాలో చేర్చిన సంగతి తెలిసిందే.

హరికాంత్