వైసీపీ ధర్నా ప్రకటనతో దిగివచ్చిన బాబు

Posted: 12/04/2014 02:00 AM IST

Perni nani takes on chandrababu naidu on loan waiver

రైతుల రుణాలను మాఫీ చేస్తానని ఎన్నికల ముందు హామీ ఇచ్చి గద్గెనెక్కిన ఆంద్రప్రదేశ్ ముఖ్యమంత్రి చంద్రబాబు నాయుడు వైఎస్సార్ కాంగ్రెస్ అధినేత జగన్ ధర్నా చేస్తానని ప్రకటించగానే దిగివచ్చారని ఆ పార్టీ అధికార ప్రతినిధి పేర్ని నాని విమర్శించారు. ఇలానైనా రాష్ట్ర రైతాంగానికి మేలు జరిగితే చాలునన్నారు. ఎన్నికల హామీలో చెప్పినట్లు రాష్ట్ర రైతాంగం మొత్తం రుణాలను బేషరతుగా మాఫీ చేయాలని నాని డిమాండ్ చేశారు. హైదరాబాద్లోని వైఎస్ఆర్ కాంగ్రెస్ పార్టీ కేంద్ర కార్యాలయంలో మీడియా సమావేశంలో పేర్ని నాని మాట్లాడుతూ.... ఈ నెల తమ పార్టీ అధ్యక్షడు వైఎస్ జగన్ మోహన్ రెడ్డి ధర్నా అని ప్రకటించగానే... 4వ తేదీనే రుణమాఫీపై ప్రకటన అంటూ చంద్రబాబు పేర్కొనడం విడ్డూరంగా ఉందన్నారు.

మీ ఇంటి పెద్ద కొడుకుగా మీ అన్నయ్యగా ప్రతిపైసా తానే కడతానని ఎన్నికల ప్రచారంలో భాగంగా ఊరార ప్రచారం చేసిన చంద్రబాబు.. అధికారంలోకి వచ్చిన తరువాత ఆ హామీకి నీళ్లు వదిలారని చెప్పారు. రైతు సాధికారిక సంస్థ పేరుతో రైతాంగాన్ని మభ్య పెట్టాలని చూశారని దుయ్యబట్టారు. రాష్ట్ర రైతాంగాన్ని ఎందుకిలా మోసం చేస్తున్నారంటూ చంద్రబాబును పేర్నినాని సూటిగా ప్రశ్నించారు. రోజుకోమాట, పూటకో ప్రకటనతో చంద్రబాబు ప్రజలను మభ్యపెడుతున్నారని ఆరోపించారు. వైఎస్ జగన్ మోహన్ రెడ్డి నాయకత్వంలో వైఎస్ఆర్ సీపీ రాష్ట్ర ప్రభుత్వం మెడలు వంచేలా కృషి చేస్తుందని చెప్పారు. 10 ఏళ్ల ప్రతిపక్షంలో ఉండి ఆ తర్వాత అధికారంలోకి వచ్చినా చంద్రబాబు నైజం ఇప్పటికీ మారలేదని ప్రజలు గుర్తించారని పేర్ని నాని పేర్కొన్నారు.

జి. మనోహర్