(Image source from: train passengers saved man life in australia)
ప్రాణాపాయ స్థితిలో వున్న ఒక్క వ్యక్తిని కాపాడటం కోసం ఒక రైలునే నెట్టేశారు అక్కడి స్థానికులు. ఒక్కడి ప్రాణాలను బతికించడం కోసం వందలాది మంది కలిసి ఒక రైలును పక్కకు నెట్టేసి.. ‘‘ఐకమత్యమే మహాబలం’’ అన్ని పదాన్ని నిరూపించారు. కలిసుంటే రెండు ప్రపంచాల మధ్య వున్న వైరుధ్యాన్ని దూరం చేయవచ్చునని, ఒకరి బాధల్ని మరొకరు పంచుకోవచ్చనే మాటలను నిదర్శనంగా నిలిచారు ఆ స్థానికులు.
ఆస్ట్రేలియాలోని పెర్త్ నగరంలో స్టిర్లింగ్ స్టేషన్ లో ఆగివున్న రైలును ఒక ప్రయాణికుడు ఎక్కుతుండగా.. అనుకోకుండా అతని కాలు జారి రైలు క్యారేజ్ కి, ఫ్లాట్ ఫామ్ కి మధ్యనున్న 5 సెం.మీ. చిన్న గ్యాప్ లో ఇరుక్కుపోయింది. అతను తన కాలిని బయటికి తీయడానికి ఎంత ప్రయత్నించినా.. ఫలితం లేకపోయింది. అయితే ఈ విషయాన్ని గమనించిన అక్కడి మిగతా ప్యాసింజర్లు.. అతడ్ని బయటకు రప్పించడానికి చాలా ప్రయత్నాలు చేశారు. ఎంత చేసినప్పటికీ అతను మాత్రం బయటకు రాలేకపోయాడు. ఇక అతని సంగతి అంతేనేమోనని భావించారు అందరూ!
అయితే అదే సమయంలో అక్కడున్న రైల్వే సిబ్బందికి ఒక ఆలోచన తట్టింది. వెంటనే రైల్లో వున్న ప్రయాణికులందరినీ కిందకు దించేసి... వారందరి సహాయంతో రైలును ముందుకు వంచారు. మొదట్లో కాస్త ఇబ్బందిగా అనిపించినా.. ప్రజలు మాత్రం వెనక్కు తగ్గకుండా రైలును బలంగా ముందుకు నెట్టారు. అంతే.. ఆ చిన్న గ్యాప్ లో నుంచి ఇరుక్కున్న వ్యక్తి బయటపడ్డాడు. అతనికి ఏ అపాయం జరగకుండా బయటపడటంతో అక్కడున్న వారందరూ ఒకరి ప్రాణాలను కాపాడామన్న సంతోషాన్ని వ్యక్తం చేశారు.
‘‘ఇంతవరకు రైలుకింద పడి మరణించిన సంఘటనలు చాలానే జరిగాయి కానీ... ఒక వ్యక్తి ప్రాణాలను కాపాడే సంఘటన కళ్లారా వీక్షించడం ఇదే మొదటిసారి’’ అంటూ అతని ప్రాణాలను కాపాడిన తోటి ప్రయాణికులు చెప్పుకుంటూ తమ మనసులో వున్న అనుభవాలను పంచుకుంటున్నారు. అయినా ఇటువంటి సంఘటనల్లో పాలుపంచుకోవడంలో దానికుండే కిక్కేవేరప్పా!
AS
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more