రాహల్ పేదయాత్రలు

Posted: 04/21/2014 02:59 PM IST

నిరుపేదలను కలిసి మాట్లాడుతున్న కాంగ్రెస్ పార్టీ ఉపాధ్యక్షుడు, అప్రకటిత ప్రధాన మంత్రి అభ్యర్థి రాహుల్ గాంధీ పర్యటనలను భారతీయ జనతా పార్టీ ప్రధాన మంత్రి అభ్యర్థి నరేంద్ర మోదీ ఈ విధంగా విమర్శించారు. 

మనకు తెలియనివి, ఎప్పుడూ చూడనివి చూడటానికి పోతుంటాం.  ఆగ్రాలో తాజ్ మహల్ చూడనివాళ్ళు దాన్ని సందర్శించటానికి అక్కడికి పోతుంటారు.  అలాగే పుడుతూనే నోట్లో వెండి చెంచాతో పెరిగిన రాహుల్ గాంధీ ఎప్పుడూ పేదలను వాళ్ళు నివసించే ప్రదేశాలను చూడలేదు కాబట్టి వాళ్ళని చూడటానికి పోతున్నారు.   వాళ్ళు కూడా రెండు చేతులు, రెండు కాళ్ళతో మాట్లాడుతూ వుంటారా అని ఒక వింతను చూడటానికి పోతున్నారు కానీ వాళ్ళ మీద ప్రేమతో కాదు.  ఆయనకది పేదయాత్రా స్థలం. 

బీదరికం ఎలా ఉంటుందో నాకు తెలుసు.  ఆ విషయంలో కాంగ్రెస్ పార్టీ, సమాజ్ వాదీ, బహుజన సమాజ్ వాదీలు నన్ను వెక్కిరిస్తుంటాయి.  కానీ నేను పేదరికంలో పుట్టినందుకు నాకేమీ నామోషీగాలేదు.  ఉదయం పూట చాయ్ ఇస్తున్నప్పుడు చల్లగాలి ముఖం మీద చెళ్ళున తగిలినప్పుడు ఎలా ఉంటుందో నాకింకా గుర్తే.  ఆ జ్ఞాపకాలు చేసిన లోతైన ముద్రలింకా చెరిగిపోలేదు  అన్నారు మోదీ.

-శ్రీజ