కేజ్రీవాల్ కి ఓటు వేయద్దుంటున్న కిరణ్ బేడీ

Posted: 01/14/2014 01:08 PM IST

సామాజిక కార్యకర్త అన్నా హజారే చేపట్టిన అవినీతి పోరాటంలో సభ్యురాలు అయిన మాజీ ఐపీఎస్ అధికారి కిరణ్ బేడీ ఆమ్ ఆద్మీ పార్టీ నేత, ఢిల్లీ ముఖ్యమంత్రి అయిన అరవింద్ కేజ్రీవాల్ పై తీవ్రమైన ఆరోపణలు చేశారు. కేజ్రీవాల్ ఆధ్వర్యంలోని ఆమ్ ఆద్మీ పార్టీకి ఓటేస్తే కాంగ్రెస్ పార్టీ మద్దతుతో అధికారంలోకి వచ్చిన ఆప్ పార్టీకి కాకుండా కాంగ్రెస్ కి ఓటేసినట్లేనని అన్నారు.

గత కొన్ని రోజుల క్రితం సోషల్ మీడియాలో తన ఓటు నరేంద్ర మోడీకే అని, ఆయనే దేశాన్ని ప్రగతి పథంలో నడపగలడని, స్వతంత్ర దేశంలో నా ఓటు ఆయనకే వేస్తానని చెప్పుకొచ్చిన ఈమె ఇప్పుడు కేజ్రీవాల్ కి ఓటు వేయవద్దనడం వెనక బీజేపీ ఉందని ఆప్ కార్యకర్తలు ఆరోపిస్తున్నారు. మరి అన్నా టీంలో ఉండి కిరణ్ బేడీ ఇలా మాట్లాడటం చూస్తుంటే త్వరలో ఈమె బీజేపీకి వెళ్ళడం ఖాయంగా కనిపిస్తుంది. ఒకవేళ ఆమె బీజేపీలోకి వెళితే కేజ్రీవాల్ పై ఎటువంటి ఆరోపణలు చేస్తుందో చూడలంటున్నారు.