ఎన్నో ఆశలు పెట్టుకుంటే... తుస్సుమనిపించాడు

Posted: 11/07/2013 11:12 AM IST

ప్రస్తుతం వెండీస్ తో జరుగుతున్న టెస్టు సిరీస్ ను సచిన్ ఫేర్ వెల్ టెస్టు సిరీస్ గా పేర్కొంటుండటంతో ఈ సిరీస్ కి అంత్యంత ప్రాధాన్యత ఏర్పడిన విషయం తెలిసిందే. మొదటి రోజు బౌలర్లు బెంబేలెత్తి మురిపించిన టీం ఇండియా ఆటగాళ్ళు బ్యాటింగులో మాత్రం చేతు లెత్తేశారు. ఎంతో ఆశగా సచిన్ బాంటింగ్ కోసం చూస్తున్న అభిమానులకు తీవ్ర నిరాశే మిగిలింగి.

రెండో రోజు ఓవర్ నైట్ స్కోరుతో బ్యాటింగ్ ప్రారంభించిన టీం ఇండియా 85 పరుగులకే 5 వికెట్లు కోల్పోయి కష్టాల్లో పడింది. ముఖ్యంగా ఈ మ్యాచ్ లో సచిన్ అలరిస్తాడనుకుంటే ఇలా చుట్టపు చూపుగా వచ్చి అలా వెళ్ళాడు. భారీ స్కోరు ఆశించక పోయినా ఎక్కువ సేపు క్రీజులో ఉంటాడనుకుంటే కేవలం 24 బంతులు మాత్రమే ఆడి పెవిలియన్ కి చేరి కూర్చున్నాడు. 24 బంతులు ఆడిన సచిన్ రెండు ఫోర్లతో 10 పరుగులు మాత్రమే చేశాడు. సచిన్‌కు ముందు చటేశ్వర పూజారా, సచిన్‌ తర్వాత యువ సంచలనం విరాట్‌ కోహ్లి మూడు పరుగలకే  ఔటయ్యాడు.

దాంతో 87 పరుగులకే ఇండియా సగం టీమ్‌ను కోల్పోయింది. భారత్ 83 పరుగులకే 5 వికెట్లు కోల్పోయి కష్టాల్లో పడింది. ప్రస్తుతం కెప్టెన్ ధోని, రోహిత్ శర్మ క్రీజులో ఉన్నారు. ఇప్పటికే టాప్ ఆర్డర్ బ్యాట్స్ మెన్స్ ను కొల్పోయిన టీం ఇండియా కోలుకోవాలంటే కష్టపడాల్సిన పరిస్థితి వచ్చింది. విండీస్ బౌలర్ ఫోర్డ్ మూడు వికెట్లు తీసి సత్తా చాటి భారత్ నడ్డి విరిచాడు. ఆట ప్రారంభం అయిన గంటన్నరలోనే నాలుగు వికెట్లు కోల్పోయింది. అభిమానులు ఇంకా స్టేడియంలోకి రాకముందే వీరు వెళ్ళి పెవీలియన్ లో కూర్చున్నారు.