ముఖ్యమంత్రి పదవి పై సర్వే కన్ను

Posted: 09/13/2013 02:40 PM IST

సీఎం పదవి కోసం తెలంగాణ ప్రాంత నాయకులు పోటీ పడుతున్నారు. నన్ను ముఖ్యమంత్రిగా చూడాలని తెలంగాణ ప్రజలుకోరుకుంటున్నారనే మాటలు ఈ మద్య కాలంలో బాగా వినబడుతున్నాయి. తెలంగాణ కాంగ్రెస్ నాయకులు ఎవరికి వారే సీఎం పదవి కన్నేశారు. ఈ రోజు కేంద్రమంత్రి సర్వే సత్యనారాయణ కూడా తన మనసులోని మాటను బయటపెట్టారు. నేను ముఖ్యమంత్రిని కావాలని చాలామంది అంటున్నారు. సీఎం పదవి చెట్టుమీదున్న పిట్ట, కేంద్ర మంత్రి పదవి చేతిలోనున్న పిట్ట. చెట్టు మీద ఉన్న పిట్ట కోసం ఆరాటపడితే చేతిలో ఉన్న పిట్ట తుర్రుమనే అవకాశం ఉంది’’ అని సర్వే సత్యనారాయణ వ్యాఖ్యానించారు. లోయర్ ట్యాంక్‌బండ్‌లోని ఎక్స్‌పో టెల్ హోటల్లో ఈరోజు క్వాలిటీ సర్కిల్ ఫోరం ఆఫ్ ఇండియా హైదరాబాద్ చాప్టర్ 26వ వార్షికోత్సవ సమావేశంలో ఆయన మాట్లాడారు. చిన్న రాష్ట్రాలుంటేనే పరిపాలన, ప్రజలు బాగుంటారని తెలిపారు. హైదరాబాద్ ఎవరి జాగీర్ కాదని, ఎవరైనా ఎక్కడైనా ఉండవచ్చని చెప్పారు. హెచ్‌ఎంటీ కంపెనీకి రూ.8.50 కోట్ల ప్యాకేజీను కేంద్రం నుంచి మంజూరు చేయించానని తెలిపారు.