మొబైల్ ద్వారా పాస్ పోర్టు

Posted: 07/25/2013 08:03 PM IST

రాష్ట్రంలో పాస్‌పోర్టు సేవలను ప్రజలకు మరింత చేరువలోకి తెచ్చేందుకు కేంద్రం శ్రీకారం చుట్టింది. ఇందులోభాగంగా స్మార్ట్ ఫోన్లలో పాస్‌పోర్ట్ సేవలను అందిచనుంది. ఇదే అంశంపై పాస్‌పోర్టు చీఫ్ ముక్తేష్ కే. పరదేశీ మాట్లాడుతూ ఇక నుంచి పేపర్ లెస్ (దరఖాస్తు లేకుండా) పాస్‌పోర్టు మంజూరుకు సన్నాహాలు చేస్తున్నట్టు చెప్పారు. పాస్‌పోర్టు కావాల్సిన వారు తమ వివరాలను మొబైల్ ఫోన్‌లో పంపిస్తే ఆధార్ కార్డ్‌తో పరిశీలించిన అనంతరం పాస్‌పోర్టులకు అనుమతిస్తామన్నారు. అయితే దీనికి ఆధార్ కార్డ్ తప్పనిసరిగా ఉండాల్సి ఉంటుంది. పాస్‌పోర్టుల జారీకి కోసం ఇప్పటి వరకు ఇ గవర్నెన్స్ వినియోగిస్తున్నామని, ఇక నుంచి ఎం (మొబైల్) గవర్నెన్స్‌ను తీసుకురానున్నట్టు తెలిపారు. దేశ వ్యాప్తంగా 77 పాస్‌పోర్టు కార్యాలయాలు పని చేస్తున్నాయన్నారు.