వెంకయ్యనాయుడు డిమాండ్

Posted: 07/20/2013 02:31 PM IST

 

కేంద్ర దర్యాప్తు సంస్థ (సీబీఐ) కాంగ్రెస్ పార్టీ జేబు సంస్థగా మారిందని మరోసారి రుజువైందని భారతీయ జనతాపార్టీ సీనియర్ నాయకుడు ఎం.వెంకయ్యనాయుడు హైదరాబాద్ లో ఆరోపించారు. బన్సల్, ములాయం సింగ్ కేసులో అ విషయం తేటతెల్లమైందని ఆయన వ్యాఖ్యానించారు. కస్టడీలో ఉన్న వ్యక్తులు ఎన్నికల్లో పోటీకి అనర్హులు అని సుప్రీం తీర్పుపై చర్చ జరగాలని వెంకయ్య అభిప్రాయపడ్డారు. లేకుంటే రాజకీయ దుర్వినియోగం జరిగే ప్రమాదం ఉందని ఆయన హెచ్చరించారు. త్వరలో తమ పార్టీ దేశ వ్యాప్తంగా 100 భారీ ర్యాలీలను నిర్వహించనున్నట్లు ఆయన తెలిపారు. తన హయాంలో దేశానికి ఏం జరిగిందని గర్వపడాలో ప్రధాని మన్మోహన్ సింగ్ సమాధానం చెప్పాలని వెంకయ్య ఈ సందర్భంగా డిమాండ్ చేశారు.