అలిగిన ఎంపీకి మంత్రి పదవి? ఛాన్స్ కొట్టిన శీలం..

Posted: 06/17/2013 04:32 PM IST

అనేక సార్లు కాంగ్రెస్ అధిష్టానం పై అలిగి రాజీనామా చేసే వరకు వెళ్లిన ఎంపీ కల నెరవేరింది. ప్రధాని మంత్రి బుజ్జగింపులతో చల్లబడిన ఎంపీకి మంత్రి పదవి రాబోతుంది. అయిదుసార్లు ఎంపీ, కాంగ్రెస్‌ సీనియర్‌ నేత కావూరి సాంబశివరావు చిరకాల కల నెరవేరే సూచనలు కనిపిస్తున్నాయి.జరిగే మంత్రివర్గ విస్తరణలో ఆయన కేబినెట్‌ మంత్రిగా ప్రమాణస్వీకారం చేస్తారని సమాచారం. ప్రధాని మన్మోహన్‌ సింగ్‌ ఆయనకు జౌళి శాఖ అప్పగిస్తారని తెలుస్తోంది. జరిగిన కాంగ్రెస్‌ కార్యవర్గ పునర్‌వ్యవస్థీకరణలో కావూరిని కాంగ్రెస్‌ పార్టీ కీలక విభాగమైన వర్కింగ్‌ కమిటీలో శాశ్వత ఆహ్వానితుడిగా నియమించారు. 1984లో కావూరి సాంబశివరావు తొలిసారి ఏలూరు నుంచి లోక్‌సభకు ఎన్నికయ్యారు. రాష్ట్రానికి చెందిన రాజ్యసభ సభ్యుడు, రిటైర్డ్‌ ఐఏఎస్ అధికారి జేడీ శీలంకు కేంద్ర మంత్రి వర్గంలో చోటు దక్కడం ఖాయంగా కనిపిస్తోంది. సహాయ మంత్రిగా ఆయనకు అవకాశం దక్కనుంది. కావూరి సాంబశివరావు, ఆస్కార్, శీశ్ రామ్ ఓలా, గిరిజా వ్యాస్ లను కేబినెట్ హోదా మంత్రి పదవులకు, జెడి శీలం, ఇఎంఎస్ నాచిప్ప, మానిక్ రావ్ గవిట్, సంతోష్ చౌదరిలను సహాయ మంత్రులుగా ఎంపిక చేసినట్లు సమాచారం. దీంతో కేంద్రమంత్రి వర్గం సభ్యుల సంఖ్య 77కు చేరనుంది.