నేను ఈ పార్టీలోనే ఉంటా ?

Posted: 05/22/2013 09:27 AM IST

జగన్ అక్రమాస్తుల కేసుకు సంబంధించి తన మంత్రి పదవికి రాజీనామా చేసిన ధర్మాన ప్రసాదరావు వైయస్సార్ కాంగ్రెస్ పార్టీ లో చేరబోతున్నారనే వార్తలు వచ్చిన విషయం తెలిసిందే. అయితే ఈ వార్తల ఆయన శ్రీకాకుళంలోని తన క్యాంపు కార్యాలయంలో మీడియాతో మాట్లాడారు. నేను వేరే ఏ పార్టీలోకి వెళ్ళడం లేదని, తాను కాంగ్రెస్ లోనే ఉంటానని, సామాన్య కార్యకర్తగా పనిచేస్తానని ధర్మాన అన్నారు. మంత్రివర్గ నిర్ణయానికి విరుద్ధంగా భూముల కేటాయింపు జరిగిందని సీబీఐ ఆరోపించిందని, వాస్తవానికి మంత్రి వర్గ ఆమోదం మేరకే కేటాయింపులు జరిగాయని, ఈ విషయాన్ని సీబీఐ పరిగణనలోకి తీసుకోవాల్సి ఉందని, దీనిపై న్యాయ పోరాటం చేస్తున్నానని, కచ్చితంగా నిరపరాధిగా బయట పడతానని ధర్మాన చెప్పారు. సీబీఐ చార్జిషీట్ దాఖలు చేసినంత మాత్రాన తాము కళంకితులం కాదని, ఆరోపణలు కోర్టులో రుజువైతేనే కళంకితులమవుతామని వ్యాఖ్యానించారు. మరి ధర్మం తప్పిన వాడిగ ముద్ర పడిన ధర్మాన నిజాయితీని నిరూపించుకుంటాడో లేదో చూడాలని అంటున్నారు.