ఈ మంత్రి వికెట్ పడాల్సిందేనా ?

Posted: 05/22/2013 09:23 AM IST

ప్రాథమిక విద్యాశాఖ మంత్రి పార్థసారథి కూడా రాజీమానా చేస్తారా ? జగన్ అక్రమాస్తుల కేసుకు సంబంధించి సీబీఐ ఛార్జిషీటులో పేర్లు ఉన్న మంత్రులను కళంకిత మంత్రులుగా పేర్కొంటు, వారు తన పదవులకు రాజీనామా చేయాల్సిందే అని విపక్షాలు గోల చేయడం, పార్టీ అధిష్టానం కూడా వారి పై తక్షణ చర్యలకు ఆదేశించడంతో ఇప్పటికే ఇద్దరు మంత్రులు రాజీనామా చేసిన విషయం తెలిసిందే. ఇక పీసీసీ బొత్స కూడా కలంకిత మంత్రులు తక్షణమే రాజీనామా చేయాలి అనడంతో, మంత్రి పార్థసారథి కూడా ఫెమా ఉల్లంఘనల కేసులో రెండు నెలల జైలు శిక్ష పడిన విషయం తెలిసిందే. అయితే హైకోర్టుకు వెళ్లి స్టే పొందారు. అయినప్పట్టికీ శిక్షను రద్దు చేయలేదు కనుక ఆయన కూడ కళంకితుడేనని కొందరు వాదిస్తున్నారు. ఈ నేపథ్యంలో ఆయన ముఖ్యమంత్రితో భేటీ కావడం ప్రాధాన్యత సంతరించుకుంది. మరి ఈయన ఈ విషయం పైనే ముఖ్యమంత్రిని కలిశారని అంటున్నారు.