మళ్ళీ ప్రధానిగా నవాజ్ షరీఫ్

Posted: 05/13/2013 10:53 AM IST

పాకిస్థాన్ లో కొన్ని హింసాత్మకమైన సంఘటన మధ్య జరిగిన ఎన్నికలలో అక్కడి పార్టీ అయిన పాకిస్థాన్ ముస్లీం లీగ్ -నవాజ్ (పిఎంఎల్ - ఎన్ ) అత్యధికంగా 126 స్థానాలలో గెలుపొంది అతి పెద్ద పార్టీగా ఏర్పడింది. మూడు పార్టీలు పోటీ చేసిన ఈ ఎన్నికలలో మాజీ పాకిస్థాన్ క్రికెటర్ ఇమ్రాన్ ఖాన్ స్థాపించిన  తెహ్రిక్ ఐ ఇన్సాఫ్ పార్టీ 37 స్థానాలను గెలుచుకొని ప్రతిపక్ష హోదా దక్కించుకోగా, అధికార పిపిపి పార్టీ ఘోర పరాజయం పాలైంది. ఇక పిఎంఎల్-ఎస్ పార్టీ గెలుపొందడంతో పాక్ ప్రధానిగా నవాజ్ షరీఫ్ ప్రధాని కానున్నారు. గతంలో రెండు పర్యాయాలు 1990-93, 1997-99లలో ప్రధానిగా చేశారు. మళ్లీ ఇప్పుడు మళ్లీ ప్రధానిగా బాధ్యతలు స్వీకరించబోతున్నారు. ఇక నవాజ్ షరీఫ్ పాకిస్థాన్ ప్రధానిగా గెలవడం భారత్ కి కాస్త అనుకూలమే అంటున్నారు రాజకీయ విశ్లేషకులు. గతంలో ఈయన ప్రధానిగా ఉన్నప్పుడే భారత్ - పాక్ మధ్య శాంతి చర్చలకు చొరవ చూపారు. మళ్ళీ ఇప్పుడు అలాంటి చొరవ చూపేందుకు సిద్ధంగా ఉంటారని అంటున్నారు. ప్రచార సమయంలో యువతకు ఇచ్చిన వాగ్ధానాలను అన్నింటిని నెరవేరుస్తానని ఆయన అన్నారు.