టు ఇన్ వన్ బైక్ కార్

Posted: 04/27/2013 02:11 PM IST

అవసరమైనప్పుడు కారులా మారే బైక్.  తెలుగుదేశం పార్టీ విశాఖపట్నం నగర కార్యదర్శి చింతలపాటి శ్రీనివాసరాజు పార్టీ అధ్యక్షుడు చంద్రబాబు నాయుడు కోసం 6 లక్షల రూపాయల వ్యయంతో ప్రత్యేకంగా అమెరికా నుంచి దిగుమతి చేయించిన వాహనం బైక్ కమ్ కార్.  

ఈ రోజు చంద్రబాబు పాదయాత్ర ముగింపు వేడుకలో భాగంగా, చంద్రబాబు 500 సిసి ఇంజన్ తో నడిచే ఈ పెట్రోల్ వాహనాన్నినడుపుతూ విశాఖ పట్నంలోని ప్రధాన కేంద్రాలను చుట్టుముడుతూ వేడుకలకు వేదికైన ఇంజినీరింగ్ కళాశాల మైదానానికి చేరుకుంటారు.  

ఇదే వాహనాన్ని అవసరానికి అనుగుణంగా కారుగా కూడా మలుచుకోవచ్చని శ్రీనివాసరాజు తెలియజేసారు.  మరి ఇంకా కొందరు కొనుక్కుని వాడుకోదలచుకుంటే ఇది రెండు చక్రాల వాహనం కిందికి రిజిస్టర్ అవుతుందో లేక నాలుగు చక్రాల వాహనం కిందనో ఇంకా స్పష్టంగా తెలియదు.  

-శ్రీజ