విదేశాలనుంచి కూడా మేము సైతం

Posted: 04/23/2013 11:50 AM IST

వేదేశాలలో ఉన్న ప్రవాసాంధ్రులు కూడా మేము కూడా వస్తున్నాం మీకోసం అంటూ రాష్ట్రంలో చంద్రబాబు నాయుడు చేస్తున్న పాదయాత్రకు మద్దతు పలికారు.  పలు ప్రాంతాల్లో ప్రవాస భారతీయుల సంఘాలు చంద్రబాబుకి మద్దతుగా సంఘీభావ పాదయాత్రలు నిర్వహించారు.  పాదయాత్రలో ఉన్న చంద్రబాబు ఆరోగ్యం కోసం అర్చనలు చేయించారు.  అమెరికాలోని శాన్ ఫ్రాన్సిస్కో రాష్ట్రంలోని మిల్సిటాస్ లో సభను నిర్వహించగా అందులో ఎన్ఆర్ఐ విద్యార్థులు సంఘాల నుంచి ప్రతినిధులు హాజరయ్యారు.  

తెలుగు దేశం పార్టీ నిన్న రాత్రి చేసిన ప్రకటన ప్రకారం అమెరికాలో పలు సంఘీభావ కార్యక్రమాలు తానా మాజీ అధ్యక్షుడు కోమటి జయరాం ప్రోద్బలం, సహాయ సహకారాలతో జరిగాయి.  పశ్చిమ లండన్ లోకూడా తెలుగు దేశం పార్టీకి మద్దతుగా సభల నిర్వహణ జరిగిందని, వారందరితోనూ ఫోన్ లో మాట్లాడామని కూడా తెలుగుదేశం పార్టీ నాయకులు తెలియజేసారు. 

-శ్రీజ