Posted: 02/28/2013 05:43 PM IST

డిసెంబరు 16 2012 న ఢిల్లీలో ఒక ప్రైవేటు బస్సులో జరిగిన సామూహిక అత్యాచరం నేరారోపణ మీద పోలీసులు అదుపులోకి తీసుకున్నవారిలో 17 సంవత్సరాల మైనర్ ని జువెనైల్ కోర్టుకి అప్పగించారు.  అయితే ఈ రోజు ప్రధాన మాజిస్ట్రేట్ గీతాంజలి గోయల్ అతని మీద మిగతా ఐదుగురి లాగానే మోపిన నేరాలన్నిటినీ అనుమతించారు.  అందులో సామూహిక అత్యాచారం, హత్యా ప్రయత్నం, హత్య, అపహరణ, దోపిడీ, సాక్ష్యాధారాలను నాశనం చెయ్యటం వంటి నేరాలున్నాయి. 

అంతకు ముందు ఆ మిగిలిన ఐదుగురితో పాటు ఈ మైనర్ కుర్రవాడి మీద కూడా పోలీసులు పిఐఆర్ (పోలీస్ ఇన్వెస్టిగేషన్ రిపోర్ట్) ని ఫైల్ చేసారు.  అది ఛార్జి షీట్ తో సమానమే. 

ఆరోజు ఆ యువతి మీద అత్యాచారం చెయ్యటానికి ముందుగానే ఆ మైనర్ ఒక కూరగాయల దుకాణం నుంచి బలవంతంగా దోపిడీ చేసాడు.  అత్యాచారానికి గురైన అమ్మాయితో పాటు బస్సులో ఎక్కిన ఆమె స్నేహితుడు ఈ మైనర్ బారిన పడి దెబ్బలు తిన్నాడు.  ఈ రెండు కేసులలోనూ నిరపరాధినని జువైనైల్ కోర్టు తలుపు తట్టాడు కానీ జరిగిన అపరాధ తీవ్రతనుబట్టి కోర్టులో అతనికి చుక్కెదురైంది. మహిళ మీద అత్యాచారం చేసినవాడిని మైనర్ గా ఎలా పరిగణిస్తారన్నది మేధావుల వాదన కూడా ఎలాగూ ఉంది.  

మార్చి 12 నుండి ఈ మైనర్ మీద మోపిన నేరాలకు సంబంధించిన సాక్ష్యాధారాలను రికార్డ్ చేస్తారు. 

–శ్రీజ