Posted: 02/27/2013 03:37 PM IST

 ఉత్తమ సౌకర్యవంతమైన  ప్రయాణానికి ‘అనుభూత’ పేరిట  కొత్త కోచ్ ను ప్రవేశపెట్టాలని   రైల్వే శాఖ  ప్రతిపాదించింది.  ఈ తరహా సౌకర్యాలు  ప్రస్తుతం రాజధాని,  శతాబ్ధి ఎక్స్ ప్రెస్ లలో అందుబాటులో  ఉన్న విషయం తెలిసిందే.  ‘అనుభూతి’లో ప్రయాణపు ఛార్జీలు  దానికి తగ్గట్టుగానే ఉంటాయని  రైల్వే శాఖ  మంత్రి పవన్ కుమార్  బన్సాల్ బడ్జెట్  ప్రసంగంలో వెల్లడించారు.  రాజధాని,  శతాభ్ది ఎక్స్ ప్రెస్ లో  ప్రయాణించే  వారి సంఖ్య  పెరుగుతోంది.  అంటే  సౌకర్యవంతమైన  ప్రయాణానికి  మక్కువ చేసే ప్రయాణికులు  ఎక్కువవుతున్నారు. ఈ నేపథ్యంలో ఎంపిక చేసిన  కొన్ని రైళ్లలో  అనుభూతి  కోచ్ ను  ప్రవేశపెడతాము.  ఈ కోచ్ లలో అత్యాధునిక  సౌకర్యాలతో  పాటు అధ్బుతమైన  సేవలు అందుబాటులో ఉంటాయి.  అంతేకాకుండా  ఎంపిక  చేసిన రైళ్లలో  ఒక  పైలట్  ప్రాజెక్టు ను త్వరలో  ప్రారంభించనున్నాయి.  దీని ద్వారా  రైలు సిబ్బందికి ప్రయాణికులు  ఎస్ఎంఎస్  లేదా ఫోన్ ద్వారా మాట్లాడవచ్చు.  రైల్వే భోగీలు  అపరిశుభ్రంగా  ఉన్నా,  ఇతర  అసౌకర్యాల  గురించి వారికి తెలియజేయవచ్చు. రాబోయే స్టేషన్లు,  ఏ ప్లాట్ ఫారం పై  రైలు ఆగుతుంది.  మొదలైన  వివరాలను  రైల్లో ప్రయాణిస్తున్న వారు తెలుసుకునేందుకు  వీలుగా ఎనౌన్స్ మెంట్   , ఎలక్ట్రానిక్  డిస్ ప్లే బోర్డులు , అన్ని  అందుబాటులో ఉంటాయాని   రైల్వే మంత్రి  చెప్పారు.