Posted: 02/19/2013 01:37 PM IST

రాజకీయం సునామీలో ఎలాంటి వారైన కొట్టుకుపోవాల్సింది.  చదువు ఉన్న సరే , చదువు లేకపోయిన సరే.. రాజకీయం రంగు పడితే చాలు.. ఓటు అమ్ముకోవాల్సిందే. ఇప్పుడు అదే పరిస్థితి నడుస్తుంది.  రాష్ట్రంలో  ఎమ్మెల్సీ ఎన్నికలు  జరుగుతున్నాయి.  ఈ ఎన్నికలకు  పట్టభద్రులు మాత్రం  అర్హులు.  చదువులేని వారికి ఓటు హక్కులేదు.   రాజకీయ  నాయకులు  పట్టభద్రులను సైతం  సెల్ ఫోన్ లతో  మభ్యపెడుతున్నారు. ఓటేస్తే .. కొత్త సెల్ ఫోన్ ఉచితం.  ఎమ్మెల్సీ ఎన్నికల్లోను  ప్రలోభాలు  మొదలయ్యాయి.  ఉభయగోదావరి  జిల్లాల పట్టభద్రుల  స్థానానికి  ఈ నెల 21న  ఎన్నికలు  జరగనున్న  సంగతి  తెలిసిందే.    సుమారు 2 లక్షల  మంది ఓటర్లు  ఉన్న ఈ ఎన్నికలకు  సంబంధించి  తూర్పు గోదావరి  జిల్లాకు  చెందిన  ఓ  అభ్యర్థి  ఓటుకు  సెల్ ఫోను పంపిణీ చేస్తున్నారు.  తూర్పు గోదావరి జిల్లాలో  పట్టభద్రుల ఓటర్ల  జాబితాను  వెంటబెట్టుకుని  ఓటు చిటీతో  పాటు  సెల్ ఫోన్లు  అందజేస్తున్నారు.  పంపిణీ  ప్రారంభించినప్పటి  నుంచి  ఇప్పటి వరకు   ఒక్క  ఓటరు ఈ సెల్ ఫోన్లు తీసుకోవడానికి  నిరాకరించలేదని ఈ అభ్యర్థికి  చెందిన ముఖ్య అనుచరులు  చెబుతున్నారు.  చదువుకున్నవాడికి సెల్ ఫోన్ – చదువు లేని వాడికి  సీసా మందు ఇస్తే  ఓట్లు రాలిపోతాయని ఆయన అనుచరులు చెబుతున్నారు.