Posted: 02/09/2013 01:27 PM IST

వైయస్సార్ కాంగ్రెస్ పార్టీ అధ్యక్షుడు వైయస్ జగన్ మోహన్ రెడ్డి సోదరి షర్మిళ కాలు ఆపరేషన్ పై గాలి ముద్దు ముద్దుకృష్ణమ నాయుడు చేసిన వ్యాఖ్యల పై షర్మిల సవాల్ విసిరారు. నల్గొండ జిల్లాలో సాగుతున్న పాదయాత్రలో ఆమె మాట్లాడుతూ.... తన కాలికి శస్త్రచికిత్స జరగలేదని తెలుగుదేశం పార్టీ నాయకులు నిరూపిస్తే తాను వాళ్ల కాళ్లు పట్టుకుని క్షమాపణ కోరుతానని, శస్త్రచికిత్స జరిగిందని తాను నిరూపిస్తే వాళ్లు తన కాళ్లు పట్టుకోవాలని ఆమె సవాల్ చేశారు. బిడ్డ వయస్సున్న తనపై తెలుగుదేశం నాయకులు తప్పుడు ఆరోపణలు చేస్తున్నారని ఆమె అన్నారు. తన మోకాలి గాయంపై కూడా తెలుగుదేశం రాజకీయం చేస్తోందని ఆమె అన్నారు. తెలుగుదేశం పార్టీ అధ్యక్షుడు నారా చంద్రబాబు నాయుడి పాదయాత్ర బూటకమని, ఫ్యాన్లు నెత్తిన పెట్టుకుని చంద్రబాబు పాదయాత్ర చేస్తున్నారని ఆమె వ్యాఖ్యానించారు. చంద్రబాబు నాయుడు ముఖ్యమంత్రిగానే కాదు, ప్రతిపక్ష నేతగా కూడా పనికి రారని ఆమె అన్నారు.  మరి షర్మిళ వ్యాఖ్యల పై తెలుగుదేశం పార్టీ నాయకులు ఎలా స్పందిస్తారో చూడాలి.