Posted: 01/21/2013 03:34 PM IST

ఎంఐఎం పార్టీ నేతలు ఇప్పుడు జైల్లో ఊచలు లెక్కబెడుతున్నారు. నిజమాబాద్ లో హిందువుల పై వ్యాఖ్యలు చేసిన ఎమ్మెల్యే అక్బరుద్దీన్ ఓవైసీని అరెస్టు చేసి, సంగారెడ్డి జైల్లో ఉంచిన విషయం తెలిసిందే. ఇక ఇఫ్పుడు ఆ పార్టీ అధినేత, హైదరాబాద్ ఎంపీ అససుద్దీన్ ఓవైసీ కూడా తమ్ముడి చెంతకే చేరారు.  2005లో పటాన్‌చెరు మండలం ముత్తంగి దగ్గర కలెక్టర్ ని, అధికారులను దుర్భాషలాడిన కేసులో అసదుద్దీన్ ఈ రోజు సంగారెడ్డి కోర్టులో లొంగిపోయారు. ఈ కేసు పై విచారణ జరిపిన కోర్టు అతనికి 14 రోజుల రిమాండ్ విధిస్తూ ఉత్తర్వులు జారీ చేసింది. దీంతో అతన్ని పోలీసులు సంగారెడ్డి కోర్టుకు తరలించారు. ఆయన బెయిల్ పిటిషన్ కూడా దాఖలు చేశారు. ఇంకా నిర్ణయం రావలసి ఉంది. దీనిపై విచారణ రేపు జరుగుతుంది.అసదుద్దీన్ ఒవైసీ అరెస్టుతో ఆయా ప్రాంతాలలో భద్రతా చర్యలు ముమ్మరం చేశారు.