Posted: 01/16/2013 11:48 AM IST

తెలుగు దేశం పార్టీ అధినాయకత్వం ఆ పార్టీలోని కొందరికి ప్రమోషన్ లు ఇచ్చింది. ఇటీవల రోడ్డు ప్రమాదంలో మరణించిన పార్టీ సీనియర్ నేత ఎర్నన్నాయుడు స్థానం ఖాళీ కావడంతో ఆయన స్థానాన్ని మాజీ మంత్రి, తెలుగుదేశం పార్టీ విశాఖ జిల్లా అధ్యక్షుడు చింతకాయల అయ్యన్నపాత్రుడుకి ఆ స్థానం ఇచ్చి భర్తీ చేశారు. అయితే అదే ప్రాంతం నుంచి అదే సామాజిక వర్గానికి చెందిన అయ్యన్నపాత్రుడుకి ఈ అవకాశం ఇవ్వడం ఇక్కడ విశేషంగా చెప్పుకోవచ్చు. అలాగే తెలంగాణకు చెందిన మాజీ మేయర్ తీగల కృష్ణారెడ్డిని పార్టీ ఉపాధ్యక్షుడుగా, స్వామిగౌడ్ అనే నేతను కూడా ఉపాధ్యక్షుడిగా ప్రకటించారు. తెలుగు విద్యార్ధి అధ్యక్షుడుగా పనిచేసిన నర్సిరెడ్డిని పార్టీ అధికార ప్రతినిధిగా ప్రకటించారు.