Posted: 01/12/2013 11:08 AM IST

ఆదిలాబాద్ జిల్లా  ఖానాపూర్ తెలుగుదేశం పార్టీ ఎమ్మెల్యే సుమన్‌ రాథోడ్‌ మియాపూర్ కోర్టులో లొంగిపోయారు. ఓ భూకబ్జా కేసులో సుమన్ రాథోడ్ పై కూకట్ పల్లి పోలీసులు కేసు నమోదు చేసిన సంగతి తెలిసిందే. ఈ కేసులో ముందస్తు బెయిల్ కు ప్రయత్నించిన సుమన్ రాథోడ్ కు ఇటీవల సుప్రీం కోర్టులో చుక్కెదురైంది. దాంతో ఆమె తప్పని పరిస్థితుల్లో మియాపూర్ కోర్టులో లొంగిపోయారు. భూ కబ్జా, నకిలీ రిజిస్ట్రేషన్, కుట్ర, మోసం కేసులో ఖానాపూర్ ఎమ్మెల్యే సుమన్ రాథోడ్‑ను కేపీహెచ్‑బీ పోలీసులు తమ కస్టడీలోకి తీసుకున్నారు. చంచల్‑గూడ మహిళా జైల్లో రిమాండ్‑లో ఉన్న ఆమెను ఈరోజు ఉదయం అదుపులోకి తీసుకున్నారు. న్యాయవాదుల సమక్షంలో పోలీసులు సుమన్ రాథోడ్‑ను ఈరోజు ఉదయం 10 గంటల నుంచి సాయంత్రం 5 గంటల వరకూ విచారిస్తారు.