Posted: 12/29/2012 02:41 PM IST

సిగ్గుపడాల్సిన సమయంలో సిగ్గుపడకుండా ఇప్పుడు సిగ్గుపడితే ఏముంది?  ‘‘ చేతులు కాలినతర్వత  ఆకులుపట్టుకుంటే’’ ఏం జరుగుతుందో .. ఇప్పుడు అదే జరిగింది. ఒక మహిళ ముఖ్యమంత్రిగా ఉన్న  దేశ రాజదానిలో  మహిళలకు రక్షణ లేకుండా పోవటం  ప్రతి ఒక్కరు ఆలోచించాల్సిన విషయం.  అక్కడు మహిళలను ప్రభుత్వం పట్టించుకోవటం లేదా? లేక మగవారు రెచ్చిపోతున్నారా ?  అనే విషయం మాత్రం ఎవరికి అర్థం కావటం లేదు.  మహిళల పై ఇన్ని దాడులు జరుగుతుంటే.. ఇంక ప్రభుత్వం నిద్రమత్తులో  ఉన్నట్లుగా ఉంది.  బాధితురాలికి నిరసన తెలిపిన వారిపై  లాఠీలతో చావబాధిన  ప్రభుత్వం.. నిందితులను ఎందుకు శిక్షించటం లేదు?  ఆ బాధితురాలు ఇప్పుడు  ఈలోకం నుండి తీరాని లోకాలుకు వెళ్లిపోయింది.  ఆమె మరణం వార్త తెలిసి దేశం ప్రజలు  బాధతో సంతాపం ప్రకటిస్తున్నారు. ఈ ఘటనపై ఢిల్లీ ముఖ్యమంత్రి షిలీ దీక్షిత్ చాలా సిగ్గుపడుతున్నట్లు తెలుస్తోంది. బాధితురాలి మరణం పట్ల సిగ్గు పడుతున్నానని ఆ రాష్ట్ర ముఖ్యమంత్రి షీలాదీక్షిత్ అన్నారు. అత్యాచార బాధితురాలి మృతికి ఆమె సంతాపం ప్రకటించారు. ఇలాంటి ఘటనలు పునరావృతం కాకుండా చర్యలు తీసుకుంటామని తెలిపారు. యువత శాంతియుతంగా ఉండాలని ఆమె కోరారు. ఢిల్లీలో మహిళలకు రక్షణ ముందే కల్పించి ఉంటే  ఇలాంటి సంఘటన జరిగి ఉండేది కాదని రాజకీయ నాయకులు అంటున్నారు.  ఇకనైన  ఈ ఘటనలు జరగకుండా  ప్రభుత్వం చర్యలు తీసుకోవాలని  ప్రజలు కోరుతున్నారు.