Posted: 12/28/2012 09:27 AM IST

ఢిల్లీలో గ్యాంగ్ రేప్ కి గురైన వైద్య విద్యార్థిని చావు బతుకుల మధ్య కొట్టుమిట్టాడుతున్న విషయం తెలిసిందే. ఇన్ని రోజులు ఢిల్లీలో వైద్యం అందించన ఆమెను పరిస్థితి విషమించడంతో... హుటాహుటిన సింగపూర్ కి తరలించిన విషయం తెలిసిందే. ఢిల్లీ నుంచి ఎయిర్ అంబులెన్స్‌లో తరలించిన ఆమెను, గురువారం వేకువ జామున సింగపూర్‌లోని మౌంట్ ఎలిజబెత్ ఆస్పత్రిలో చేర్చారు. అక్కడి వైద్యులు ఆమెకు ఇంటెన్సివ్ కేర్ యూనిట్‌లో (ఐసీయూ) చికిత్స అందిస్తున్నారు.  వివిధ రంగాల వైద్య నిపుణుల పర్యవేక్షణలో ఆమెకు చికిత్స అందిస్తున్నామని, అయితే, ఆమె పరిస్థితి ఇంకా అత్యంత విషమంగానే ఉందని ఆస్పత్రి సీఈవో డాక్టర్ కెల్విన్ లోహ్ వెల్లడించారు. అయితే మరి కొన్ని గంటలు గడిస్తే గానీ బాధితురాలి పరిస్థితి పై స్పష్టమైన విషయం చెప్పలేమని అన్నారు. ఆమె తల్లిదండ్రులకు ఆస్పత్రి సమీపంలోనే ఒక హోటల్‌లో బస కల్పించి, 24 గంటలు వారికి అందుబాటులో ఉండేలా ఒక అధికారిని నియమించినట్లు భారత దౌత్యకార్యాలయానికి చెందిన అధికారి ఒకరు చెప్పారు.