Posted: 12/20/2012 09:09 AM IST

మాజీ మంత్రి , ప్రస్తుత వైయస్సార్ కాంగ్రెస్ పార్టీ సభ్యుడు చేగొండి హరి రామజోగయ్య వైయస్సార్ సీపీ పై ఓ సంచనలన వ్యాఖ్య చేశారు. తాడేపల్లి గూడెంలో నిర్వహించిన జిల్లా పార్టీ సమావేశంలో ఆయన మాట్లాడుతూ... ప్రస్తుత వైఖరి కొనసాగితే ఈ పార్టీకి కూడా ప్రజారాజ్యం పార్టీ గతే పడుతుందని, వైసీపీలో పీఆర్పీ లక్షణాలే కనబడుతున్నాయని, అప్పట్లో చిరంజీవి వచ్చి అంతా చూసుకుంటారని, ప్రజలు ఓట్లు వేసేస్తారన్న ఉద్దేశంతో నాయకులు ఉండడం వల్లే ప్రజారాజ్యానికి రాష్ట్రంలో పరాభవం ఎదురైందన్నారు. ఆ పార్టీలో జరిగిన అనుభవాలను ద్రుష్టిలో ఉంచుకొని చెబుతున్నాని అన్నారు. గతంలో ప్రజారాజ్యం లో కీలక పాత్ర పోషించి ఆ తర్వాత వై.ఎస్.ఆర్.కాంగ్రెస్ లో చేరారు. ఈయన చేసిన వ్యాఖ్యల వెనుక ఏ ఉద్దేశ్యం ఉందో కానీ ఈయన మాటలు వై.ఎస్.ఆర్.కాంగ్రెస్ ను కలవరానికి గురి చేస్తున్నాయి. మరి ఈయన మాటలు నిజమౌవుతాయో లేదో చూడాలి. అదే సమయంలో జగన్ ను సి.ఎమ్. చేయడానికి అంతా పని చేయాలని పిలుపు ఇవ్వడం విశేషం.