Posted: 12/17/2012 07:36 PM IST

ఈ రోజు గుంటూరు జిల్లాలో  ఆచార్య నాగార్జున  విశ్వవిద్యాలయంలో  సమైక్యాంధ్ర విద్యార్థి  ఐకాసీ ఏర్పాటు చేసిన కార్యక్రమంలో  కావూరు రెచ్చిపోయి ప్రసంగించారు.   కాంగ్రస్ పార్టీలో  చిత్తశుద్దితో  పనిచేసేవారికి  గుర్తింపు లేదని, ఇతర పార్టీల  నుంచి వచ్చిన వారిని అందలం  ఎక్కిస్తున్నారని , ఇది  తనకు చాలా బాధ  కలిగించి  రాజీనామా చేశానని ఆయన ఆవేశంగా ఏలూరు ఎంపీ కావూరి సాంబశివ రావు అన్నారు.  కాంగ్రెస్ పార్టీ నాయకత్వం  సిద్దాంతపరంగా ఆలోచిస్తుందని  సమర్థులైన  కార్యకర్తలను  గుర్తించి  వారిని బలపరుస్తారని  అనుకున్నానన్నారు.   అయతే అలా జరగలేదని  కావూరి అన్నారు.  తెలుగుదేశం పరిపాలనలో ఉండగా  తన నియోజకవర్గంలో  కార్యకర్తలకు భరోసా చెప్తే  నీకే దిక్కులేదు, మా సంగతేం చూస్తావని ముఖాన అడిగన  పరిస్థితి  వచ్చిందన్నారు.  సమైక్యాంధ్ర పార్టీని  పెట్టే  ఆలోచన  ఉందా అన్న ప్రశ్నకు  కావూరి నవ్వుతూ  ఇంక చాలా సమయం ఉందని, పరిస్థతి  ఎలా వస్తుందో  చూద్దామన్నారు. ఎప్పటికప్పుడు   నిర్ణయం తీసుకోగల శక్తి  తనకుందన్నారు.  అయితే ఈనెల 28న జరిగే అఖిలపక్షానికి  తాను హాజరు  కావటం లేదని  కావూరి అన్నారు.