Posted: 12/05/2012 03:15 PM IST

చంచల్ గూడ జైల్లో జరుగుతున్న ములాఖత్ లపై  తెలుగుదేశం పార్టీ  కొత్త నిజాలు బయట పెడుతుంది.  జగన్ తో  ములాఖత్ లు జరగటానికి కారణం ముఖ్యమంత్రే అని టీడీపీ సీనియర్ నాయకుడు యనమల రామక్రిష్ణుడు  ఆరోపిస్తున్నారు. ఆయన తూర్పు గోదావరి జిల్లా కాకినాడ తెలుగుదేశం పార్టీ కార్యాలయంలో  మాట్లాడుతూ  ములాఖత్ లకు సంబంధించిన సమాచారాన్ని  ఇవ్వాలని కోరుతూ  సహ చట్టం కింద  సంబంధిత జైళ్ల శాఖ  అదనపు డీజీపీకి దరఖాస్తు చేసి 40 రోజులు గడుస్తున్నా  ఇంతవరకు  సమాచారం ఇవ్వకపోవడంలో అంతర్యం ఏమిటని ఆయన ప్రశ్నించారు. వైఎస్ జగన్ తో జరుగుతున్న ములాఖత్ విషయంలో  ముఖ్యమంత్రి హస్తం ఉందని  ఆయన అన్నారు.  సీఎం కోరికమేరకే జగన్ తో ములాఖత్ లు జరుగుతున్నాయాని ఆయన ఆరోపించారు.  రిమాండ్  లో ఉన్న వారికి  జైల్లో  సకల సౌకర్యాలు కల్పించడం దారుణమన్నారు. ఈ విషయంలో జైళ్ల శాఖ నిబంధనలను విస్మరించిందని  ఆరోపించారు.  యూపీఏ ప్రభుత్వం ప్రవేశపెట్టనున్న నగదు బదిలీ పథకంలో  పలు లోపాలు  చోటుచేసుకున్నాయని విమర్శించారు. ఈ పథకాన్ని అమలు చేస్తే పేదలకు అన్యాయం జరుగుతుందని ఆయన అన్నారు.