Posted: 12/02/2012 04:01 PM IST

               రాష్ట్ర సర్కారు శాసనసభ చరిత్రలో ఒక కొత్త అధ్యాయానికి తెర లేపబోతుంది. సాధారణంగా బడ్జెట్ సమావేశాలు అనగానే టక్కున గుర్తుకొచ్చేవి 30 పని దినాలు, 45 రోజుల పాటు ఏకదాటిగా శాసనసభ సమావేశం. సాంప్రదాయ బద్దంగా వస్తున్న ఈ సమావేశాల్లో కొన్ని మార్పులు చేయాలని రాష్ట్ర సర్కారు భావిస్తోంది. పార్లమెంటరీ సాంప్రదాయాలను రాష్ట్రంలో అమలుపర్చాలని ప్రభుత్వం నిర్ణయించింది.
     ఈ దఫా శాసనసభా బడ్జెట్ సమావేశాలను ఏకదాటిగా 45 రోజుల పాటు నిర్వహించకుండా కాస్త గ్యాప్ ఇవ్వాలని నిర్ణయానికి వచ్చింది. ఈ సారి బడ్జెట్ సమావేశాలు ఫిబ్రవరి రెండవ వారంలో కాకుండా మార్చి రెండవ వారంలో ప్రారంభం అయి మే 31 నాటికి ముగియనున్నాయి. ఈ సమావేశాల్లో పూర్తి స్థాయి బడ్జెట్ కాకుండా ముందు ఓటాన్ అకౌంట్ బడ్జెట్ ను  ప్రవేశపెట్టబోతున్నారు.

...avnk