Posted: 11/15/2012 03:54 PM IST

ఢిల్లీలో పార్లమెంట్ కు సమీపంలో  ఉన్న గురుద్వారా వద్ద ఈ రోజు కాల్పులు జరిగాయి.  గురుద్వార ప్రబంధక్ కమిటీ  సమావేశంలో  రెండు వర్గాల మధ్య చెలరేగిన వివాదం ఘర్ణలకు దారితీసింది.  ఈ ఘర్షణలో  ఒక వర్గం కాల్పులకు దిగడంతో  గొడవ పెద్దదైంది. దీంతో  ఇరువర్గాలు  పరస్పరం  కత్తులతో  దాడులు చేసుకున్నారు. దీంతో భారీగా పోలీసు బలగాలు అక్కడ చేరుకున్నారు.

గురుద్వారా కమిటీకి ఎన్నికలు నిర్వహించాలంటూ ఓ వర్గం పట్టుబట్టగా, అందుకు మరో వర్గం అంగీకరించకపోవడమే ఈ గొడవలకు కారణంగా తెలుస్తోంది. పోలీసుల జోక్యం చేసుకుని  వారిని చెదరగొట్టడంతో  పరిస్థితి  కొంత సద్దుమణిగింది.  ఎలాంటి అవాంఛనీయ సంఘటనలు చోటు చేసుకోకుండా  పోలీసులు  భారీగా మొహరించారు. గాయపడిన వారిని ఆసుపత్రికి చేర్చారు.