Posted: 10/27/2012 12:29 PM IST

తెలుగు దేశం పార్టీ అధ్యక్షుడు నారా చంద్రబాబు నాయుడు వస్తున్నా... మీకోసం పాదయాత్ర మహబూబ్ నగర్ జిల్లాలో సాగుతుంది. అయితే నిన్న జిల్లాలోని గద్వాలలో ఏర్పాటు చేసిన సభావేదిక ఒక్కసారిగా కూలిపోయింది. దీంతో ఆయనకు స్వల్ప గాయాలు అయ్యాయి. చంద్రబాబు నడుము భాగం స్వల్పంగా కమిలినట్లు తెలుస్తోంది. ఈ విషయం తెలుసుకున్న వారి కుటుంబ సభ్యులు హుటాహుటిన బాబును పరామర్శించేందుకు వెళ్ళారు. అలాగే సినీ నటుడు అయిన జూనియర్ ఎన్టీఆర్ పరామర్శించనున్నారు. ఈ మేరకు బాద్ షా షూటింగ్ లో ఉన్న ఎన్టీఆర్ శనివారం గద్వాలకు బయలుదేరారు. ఈయన నేరుగా బాబు బస చేస్తున్న స్థలానికి వెళ్ళి పరామర్శించనున్నారు. బాబుకు వైద్య పరీక్షలు చేసిన డాక్టర్లు రెండు రోజులు విశ్రాంతి తీసుకోవాలని సూచించారు.