Posted: 10/05/2012 05:44 PM IST

దేశంలో ఎమర్జెన్సీ కాలంలో తాను కొనుగోలు చేసిన రివాల్వర్, ఆయుధాల లెసైన్స్‌లు చోరీకి గురయ్యాయని ప్రముఖ న్యాయవాది, బీజేపీ ఎంపీ రాంజెఠ్మలానీ పోలీసులకు ఫిర్యాదుచేశారు. తన కూతురు రాణి జెఠ్మలానీ బతికి ఉన్నప్పుడు గుర్గావ్‌లో తాను నివసించిన రహేజా అట్లాంటిస్‌లోని ఫ్లాట్‌లో వీటిని ఎవరో దొంగతనం చేశారని ఆయన వెల్లడించారు. రాజ్యసభ సభ్యుడినైన తనకు ఢిల్లీలో ఫ్రభుత్వం కేటాయించిన ఫ్లాట్‌లోకి సామగ్రిని తరలిస్తుండగా రివాల్వర్ పోయిందనే విషయం తెలిసిందని ఆయన పోలీసులకు చెప్పారు. కేసు నమోదు చేసి పోలీసులు దర్యాప్తు ప్రారంభించారు.